Ruth 2:9 - Tedim Bible

⁹ Amaute’ an lakna lo na mitsuan in la, amaute’ nungah zui in. Nang hong bawlsiat loh nading uh tangvalte thu pia khin hilo ka hi hiam? Na dang a tak ciangin pai in la tangvalte’ tui tawisa dawn in,” a ci hi.

Tedim Bible Revision 2017

⁹ Amauteʼ anlakna lo mitsuan inla, amauteʼ nungah zui in. Nang hong bawlsiat loh nading uh tangvalte thu ka pia khin hi. Na dang a tak ciangin pai inla tangvalteʼ tui tawi sa dawn in,” a ci hi.

Ruth 2:9 Referans Kwoze

1 JOHAN MASA 5:18

Pasian’ pian’sak mi khempeuh in mawhna ahih zom kei hi ci-in i thei hi. Pasian’ pian’sak mi in ama pumpi kem a, a gilo mi in tua mi a sukha thei kei hi.

Piancilna 20:6

Tua ciangin Pasian in mang sungah ama' kiangah, “Hi hi, lungsim kisuan’na om loin hih bangin na gamtatna thu ka thei a, kei' tungah na khialh loh nadinga hong kempa in keimah ka hi hi; tua ahih ciangin nangmah kong lawngsak kei hi.

1 KORIN MASA 7:1

Keima kiangah nong khak uh lai sung thu in, pasal in numei tawh kiteeng kei leh, a hoih hi.

Mattiu 10:42

Keima thu zui ahih maninah, hih naupang a neupen tui hai khat a pia peuhmah in, aman takpi kong cih inah phattuamna ngah loin a om kei ding hi,” ci-in Zeisu in a gen hi.

Paunak 6:29

Tua mah bangin, mi zi tawh a mawhte in thuak ding a, tua banga gamta peuhmah in thuak ding uh hi.

Late 105:15

“Ka sathau nilhte sukha kei un, ka kamsangte tungah siatna bawl kei un!” ci hi.

JOB (Job) 19:21

Hong hehpih un! Hong hehpih un! Ka lawmte hilo na hi uh hiam? Pasian in kei hong satpaai hi.

Ruth 2:8

Tua ciangin Boaz in Ruth kiangah, “Tu-in, ngai in, ka tanu aw, midangte’ lo-ah ansang tawm dingin pai kei in la, hih lo zong nusia kei in, ka numeite’ nai-ah om cinten in.

Ruth 2:10

Tua ciangin amah in a mai-in lei-ah puksuk a, lei lakah kunin ama kiangah, “Kei gamdang mi khat hi napi, hih banga kei nong phawk nadingin bang hangin na mai-ah maipha ngah ka hi hiam?” a ci hi.