Ruth 2:15 - Tedim Bible

¹⁵ Tua nu ansang tawm dingin a din’ ciangin Boaz in a tangvalte hilh a, “Anlomte lak nangawn ah tawm sak un la, amah kosia kei un.

Tedim Bible Revision 2017

¹⁵ Tua nu ansang tawm dingin a din ciangin Boaz in a tangvalte hilh a, “Anlomte lak nangawn ah tawmsak unla, amah ko sia kei un.

Ruth 2:15 Referans Kwoze

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

Siampi Laibu 23:22

“Note in na leitang panun an na lak uh ciangin, na lo nawl dongun la loin, na an lak khit uh ciangin a sangte zong na khawm kei ding uh hi; note in mizawngte leh khualmi adingin tuate na nusia ding uh hi: keimah in Topa na Pasian uh ka hi hi,” a ci hi.

Ruth 2:14

An nek hun ciangin Boaz in tua nu kiangah, “Hih lai-ah hong pai in, anlum ne in la, leenggahzu sungah na an diah in,” a ci hi. Tua ahih ciangin an late gei-ah amah tu a, tuapa in an kante tua nu khak hi; amah in a kham mateng ne a, a khamval zong pawlkhat om lai hi.

Ruth 2:16

Anlom hente lak panin zong ama adingin pawlkhat dok khia-in ama top dingin nusia un la, amah tai kei un,” a ci hi.

Siampi Laibu 19:9

“Na leitang tung panun an na lak uh ciangin, na lo uh a nawl dongin an na la kei ding uh a, an na lak khit uh ciangin a sang zong na khawm kei ding uh hi.