Ruth 1:20 - Tedim Bible

²⁰ Amah in amaute kiangah, “Naomi hong ci nawn kei un, Mara hong ci un, bang hang hiam cih leh Vanglianpa in nakpi takin kei hong gim sak hi.

Tedim Bible Revision 2017

²⁰ Amah in amaute kiangah, “Naomi hong ci nawn kei un; Mara hong ci un; bang hang hiam cih leh Vanglian pa in nakpi takin kei hong gimsak hi.

Ruth 1:20 Referans Kwoze

JOB (Job) 6:4

Vanglianpa’ thaltangte in kei hong kha a, ka sungah a thal gu kidiah hi. Pasian in a kihtakhuai-in kei hong su hi.

Hebru 12:11

Thuhilhna i thuak lai takin lungdamna-in kingaihsun loin dah nading bang kisa thei hi. Ahih hangin thulhilhna a thuak mite in a nung ciangin nopsakna ahi dikna gah a ngah uh hi.

Isaiah 38:13

zingsang dong lungduai takin, huhna ngenin ka kiko hi; humpinelkai bangin amah in ka guh khempeuh kuaitan a, sun leh zan tawntung gimna hong kithuaksak hi.

Late 88:15

Ka neu-a kipan gimna thuakin ka si dektak a, nangma dante ka thuak hi; ka cih nading mel ka thei kei hi.

Late 73:14

Bang hang hiam cih leh sunthapai-in gimna ka thuak a, zingsang simin hong kithuhilh hi.

JOB (Job) 19:6

Hih thu hong piangsakpa in Pasian ahih lam mu thei lo na hi hiam? Kei hong mat nadingin amah in thang hong siah hi.

JOB (Job) 5:17

Pasian in a taii mite minuamsa hizaw ahih manin, Vanglianpa’ taiina thupisan’ in.

JOB (Job) 11:7

“Pasian’ thuthuk thei khin zo ding na hi hiam? Vanglianpa’ hih theihna thei khin zo ding na hi hiam?

Paikhiatna 6:3

Abraham, Isaak leh Jakobte' tungah Vanglian Pasian-in ka kilang a, ahih hangin Topa ahi keima' min tawh amaute' tungah kei ka kitheisak kei hi.

Piancilna 43:14

amah in na sanggampa uh leh Benjamin hong ciahsak kik theih nadingin Vanglianpen Pasian in mipa’ mai-ah note hehpihna hong pia ta hen. Ka tate tawh ka kikhen leh a kikhen ka hi ding hi,” ci hi.

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

Mangmuhna 21:22

Tua khuapi sungah biakinnpi ka mu kei hi. Bang hang hiam na cih uh leh, Vanglianpen Topa Pasian leh Tuuno in tua khuapi biakinnpi ahi uh hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Paikhiatna 15:23

Amaute Marah a tun’ uh ciangin a tui kha ahih manin Marah tui dawn thei lo uh hi; tua ahih manin Marah ci-in min kiphuak hi.

JOB (Job) 9:18

Ka hu nangawn hong sang sak man lo a, lungkhamna tawh hong kidimsak hi.