Ruth 1:17 - Tedim Bible

¹⁷ na sihna-ah ka si ding a, tua munah ka kivui ding hi. Sihna cih loh buang thudang hangin kong nusiat taak leh Topa in kei hong dawm kei ta hen!” a ci hi.

Tedim Bible Revision 2017

¹⁷ Na sihna ah si-in ka kivui ding hi. Sihna cih loh buang thudang hangin kong nusiat taak leh Topa in kei hong dawm kei tahen,” a ci hi.

Ruth 1:17 Referans Kwoze

1 SAMUEL MASA 3:17

Eli in, “Amah in nang kiangah hong gen bang ahi hiam? Kei kiangah hong iim kei in. Amah in nang tungah hong gente khempeuh kei kiangah ip nong neih leh, Pasian in nang hong dawm kei ta hen,” a ci hi.

2 KUMPI NIHNATE 6:31

tua ciangin amah in, “Tu ni-in Shafat’ tapa Elisha’ lutang a liangko tungah a om lai taak leh Pasian in kei hong dawm kei ta hen,” a ci hi.

1 KUMPI MASATE 2:23

Tua ciangin Kumpi Solomon Topa tawh kiciamin, “Hih thu in Adonijah’ nuntakna a lei kei taak leh Pasian in kei hong dawm kei ta hen!

2 SAMUEL NIHNA 19:13

Tua ciangin Amasa kiangah, ‘Nang in keima si keima sa hilo na hi hiam? Tu-a kipan Joab’ munah nang in ka galkapte a ukpa na hih kei tak leh Pasian in kei hong dawm kei ta hen, ci hi’ ci-in gen un,” a ci hi.

1 KUMPI MASATE 20:10

Benhadad in ama kiangah sawlin, “Samaria leivui in kei hong zui khempeuh khutkuak a dim zawh taak leh, pasiante in kei hong dawm kei ta hen,” a ci hi.

1 SAMUEL MASA 25:22

Zingsang ciangin ama neihsa khempeuh lakah pasal khat zong ka siit tak leh Pasian in keimah David hong dawm kei ta hen,” na ci khin hi.

2 SAMUEL NIHNA 3:35

Tua ciangin ni a om lai-in an ne dingin David a zol dingin mi khempeuh hong pai uh hi; ahih hangin David kiciamin, “Ni a tum matengin an ahi a, na khat peuhpeuh ahi zongin ka ciap taak leh Pasian in kei hong dawm kei ta hen!” a ci hi.

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tu bang hunin amaute khat’ nuntakna bangin nangma nuntakna ka bawl kei taak leh pasiante in kei hong dawm kei ta hen,” cisak hi.

2 SAMUEL NIHNA 3:9

Saul’ innkuan panin kumpigam khinin, Dan panin Be-ersheba dong Israel leh Judahte tungah David kumpi tokhom phuh ding Topa in ama tungah a ciamsa thu David’ adingin ka tun’ sak kei taak leh Pasian in keimah Abner hong dawm kei ta hen,” a ci hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Ruth 1:16

Ahih hangin Ruth in, “Nang kong nusiat nading ahi a, nang zuihna pan ka ciahkik nading ahi zongin hong cici kei in; bang hang hiam cih leh na paina-ah ka pai ding a, na giahna-ah ka giak ding hi; na mite in keima mite hi ding a, na Pasian in keima Pasian hi ding hi;

Ruth 4:15

Amah in nang adingin na nuntakna hong pia kik, leh na khanghamna-ah hong vakpa hi ding hi; bang hang hiam cih leh, tapa sagih sangin a thupizaw, nangmah hong it na monu’ neih ahi hi,” a ci uh hi.

1 SAMUEL MASA 14:44

Tua ciangin Saul in, “Nang na sih taktak kei taakleh Pasian in kei hong dawm kei ta hen, Jonathan aw,” ci-in a kiciam hi.

1 SAMUEL MASA 20:13

Ahih hangin nang tungah siatna bawl nadingin ka pa a lungkim sak leh, a muanhuaina-ah nang na pai theih nadingin nang kiangah a thu kong pulak kei a, nang kong sawlkhiat kei taak leh, Topa in keimah Jonathan hong dawm kei ta hen. Amah in ka pa tawh a om mah bangin Topa in nang tawh hong om ta hen.

2 SAMUEL NIHNA 15:21

Ahih hangin Ittai in kumpipa dawngin, “Topa nungta-in, ka to kumpipa nungta ahih mah bangin, sih nading ahi a, hin’ nading ahi zongin ka to kumpipa a omna peuhpeuh-ah na nasempa om ding hi,” a ci hi.

1 KUMPI MASATE 13:31

Amah a vui khit ciangin a tapate kiangah, “Kei ka sih ciangin Pasian’ mipa a kivuina hanah kei hong vui un; ama guh gei-ah kei’ guhte koih un.

Late 45:10

Tanu aw, ngai in, ngaihsun in la, na bil hong ngat in; nangma mite leh na behte mangngilh in;