Ruth 1:15 - Tedim Bible

¹⁵ Tua ciangin amah in, “En in, na sanggamnu a mite leh a pasiante kiangah ciahkik khin hi; na sanggamnu’ nungah nang zong ciah in,” a ci hi.

Tedim Bible Revision 2017

¹⁵ Tua ciangin amah in, “En in, na sanggamnu a mipihte le a pasian-te kiangah ciahkik khin hi. Na sanggamnuʼ nungah nang zong ciah in,” a ci hi.

Ruth 1:15 Referans Kwoze

Thukhente 11:24

Na Pasian Khemosh in na neih dinga hong piakte tang lo ding na hi hiam? Topa ka Pasian un kote mai-ah a suankhiatte kote in ka tang ding uh hi.

Zefaniah 1:6

Lam pial a, kei hong zui nawn lote, thu dong dingin kei kiangah hong pai lote, ka susia ding hi,” ci hi.

2 KUMPI NIHNATE 2:2

Tua ciangin Elijah in Elisha kiangah, “Hih lai-ah khawl in, kong thuum hi; bang hang hiam cih leh Topa in Beth-el ciang dong kei hong sawl hi,” a ci hi. Ahih hangin Elisha in, “Topa a nuntak bang, leh nang mahmah na nuntak mah bangin, nang kong nusia kei ding hi,” a ci hi. Tua ahih ciangin amaute Beth-el-ah paisuk uh hi.

Joshua 24:15

Topa’ na nasep nop kei uh leh, Gungal khat-a a na a kisepsak na pu na pate uh pasian ahi a, note’ teen’na gam Amor mite’ pasiante ahi zongin, a na nasep sak ding peuhpeuh uh tu ni-in teel un; ahih hangin kei leh ka innkuanpihte in ahih leh Topa’ na ka sem ding uh hi,” a ci hi.

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

Hebru 10:38

Ka midik in upna tawh a nungta ding hi, a nung kin leh, ka lungsim in Tua mi hangin lungdamna a nei kei hi,” ci-in Pasian in thu a pia hi.

Luka 24:28

Amaute in a paina khua a naih uh ciangin, Zeisu in tua khua paisan ding bangin a pai leh,

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

Late 36:3

Ama kammalte in siatna leh khemna vive hi a, pil gamtatna leh hoih gamtatna bei khin ta hi.

Joshua 24:19

Ahih hangin Joshua in mite kiangah, “Topa’ na nasem zo kei ding uh hi; bang hang hiam cih leh amah in a siangtho Pasian ahi hi; amah in a aam Pasian ahi hi; note’ thupalsatna ahi a, na khialhna uh ahi zongin hong maisak lo ding hi.

Ruth 1:14

Tua ciangin amaute nakpi-in a kap kik uh hi; Orpah in a teeknu namin ciah a, ahih hangin Ruth in a teeknu beel hi.

Ruth 1:16

Ahih hangin Ruth in, “Nang kong nusiat nading ahi a, nang zuihna pan ka ciahkik nading ahi zongin hong cici kei in; bang hang hiam cih leh na paina-ah ka pai ding a, na giahna-ah ka giak ding hi; na mite in keima mite hi ding a, na Pasian in keima Pasian hi ding hi;

Gamlak-vakna 10:30

Ahih hangin amah in, “Kong zui kei ding hi; ka leitang leh ka behte kiangah ka pai ding hi,” a ci hi.