Ruth 1:14 - Tedim Bible

¹⁴ Tua ciangin amaute nakpi-in a kap kik uh hi; Orpah in a teeknu namin ciah a, ahih hangin Ruth in a teeknu beel hi.

Tedim Bible Revision 2017

¹⁴ Tua ciangin amaute a kapkik uh hi. Orpah in a teeknu namin ciah a, ahih hangin Ruth in a teeknu beel hi.

Ruth 1:14 Referans Kwoze

Paunak 18:24

Lawm pawlkhatte, sauvei kimang lo a, lawm pawlkhatte, sanggam sangin kipzaw hi.

Mattiu 16:24

Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

Mattiu 10:37

Kei hong it sangin a nute a pate a it zaw mi in, kei tawh kituak lo hi. Kei hong it sangin a tapa a tanu a it zawte in, kei tawh kituak lo hi.

Hebru 10:39

Eite i hih leh, kisiatna tung dingin a nungkin mite lakah i om kei hi; gupkhiatna a ngah upna a nei mite lakah i om hi.

Mattiu 19:22

Tua tangvalpa in tua thu a zak ciangin lungkim loin a paikhia hi. Bang hang hiam i cih leh, sum tampi a nei hi.

Zekhariah 8:23

Tua hun ciangin minam tuamtuamte sung panin mi sawm, Judah mi khat kiangah hong pai-in, ‘Pasian in note hong ompihna thu za ka hih manun na nung hong zuisak in,’ ci-in thuum ding uh hi,” a ci hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Paunak 17:17

Lawm citak in a tawntungin hong it a, i sanggamte in i lungkhamna hong thuakpih dinga piang ahi hi.

1 KUMPI MASATE 19:20

Tua ciangin amah in bawngtalte nusia-in Elijah nungah tai a, “Ka nu leh ka pa kam vaikhakin hong namsak phot in, tua ciangin nang kong zui ding hi,” a ci hi. Amah in ama kiangah, “Paikik in; nang tungah bang hong hih ka hi hiam?” a ci hi.

Thu-hilhkikna 10:20

Topa note’ Pasian na zahtak ding uh hi; ama na semin amah beelin, ama min tawh na kiciam ding uh hi.

2 TIMOTI NIHNA 4:10

Bang hang hiam cih leh, Demas in tu lai nuntakna a it maninah kei hong taisanin, Thesalonika khua-ah a pai zo hi. Kresen in Galati gamah a pai zo hi. Titu in Dalmatia gamah a pai zo hi.

Sawltak 17:34

Mi kimkhat in Paul beelin thu a um uh hi. Tua mite lakah Areopagas mi Dionisias leh Damaris min nei numei khat akipan midangte zong a om uh hi.

Piancilna 31:55

Zingsang tungin Laban tho-in, a tute leh a tanute namin amaute thupha pia hi; tua ciangin amah pai khia-in innah ciahkik hi.

Piancilna 31:28

Bang hangin ka tapate leh ka tanute mangpha khakna hong namsak lo na hi hiam? Tu-in na hai gamtat khin hi.

Thu-hilhkikna 4:4

ahih hangin Topa na Pasian uh a lenkipte khempeuh tu ni-in na hing lai uh hi.

Ruth 1:13

amaute a khan’ khit dong ngak zo ding na hi uh hiam? Pasal neih ding khawl ding na hi uh hiam? Hilo hi, ka tanute aw, Topa in kei hong langpan’ ahih manin note sangin nakpi takin kei ka lunggim zaw hi,” a ci hi.

Ruth 1:15

Tua ciangin amah in, “En in, na sanggamnu a mite leh a pasiante kiangah ciahkik khin hi; na sanggamnu’ nungah nang zong ciah in,” a ci hi.

2 SAMUEL NIHNA 19:39

Tua ciangin mi khempeuh Jordan gal-ah pai uh a, kumpipa zong pai hi; tua ciangin kumpipa in Barzillai namin thupha pia a, ama inn-ah amah ciah hi.

Ruth 1:7

Tua ahih ciangin a omna mun panin a mo tegel tawh tua nu dingkhia a, Judah gamah ciahkik dingin lam pai uh hi.

Ruth 2:11

Ahih hangin Boaz in tua nu dawngin, “Na pasal a sih khit-a kipan na teeknu’ adingin na sepnate khempeuh, leh na nu leh na pa leh na pian’na gam nusia-in nidanga na theih ngei loh mite kiangah na paina thu a kicing takin kei kiangah hong kigen zo hi.