Ruth 1:1 - Tedim Bible

¹ Thukhente in a uk hun lai-in tua gam sungah kialpi tung a, Judah gam sunga Bethlehem khuami khat, amah leh a zi leh a tapa nihte tawh Moab gamah a peem dingin pai uh hi.

Tedim Bible Revision 2017

¹ Thukhente in a uk hun lai-in tua gam sungah kialpi tunga, Judah gam sunga Bethlehem khuami khat, a zi le a tapa nihte tawh Moab gamah a peem dingin a pai uh hi.

Ruth 1:1 Referans Kwoze

Piancilna 12:10

Tu-in gamsungah kialpi tung hi. Tua ahih ciangin tua gamah kialpi nasia ahih manin Abram tawlkhat sung a om dingin Izipt-ah paisuk hi.

Piancilna 26:1

Abraham’ hun lai-a kialpi ban-ah, tu-in gamsungah kialpi tung hi. Filistia mite’ kumpipa Abimelek omna Gerar-ah Isaak pai hi.

Ezekiel 14:13

“Ezekiel aw, gam khatpeuh peuh in khialhna bawlin kei tungah hong thuman kei leh keimah in a annek ding teng uh ka susia ding hi. Kialpi tungsakin a mihing a ganhing-in ka siasak ding hi.

Thukhente 17:8

Tua mipa a muhna mun peuhah a teeng dingin Judah gam Bethlehem khua panin paikhia hi; tua bangin khualzinin a pai lai takin Efraim mualtung gam sunga Mikah’ inn-ah va tung hi.

Siampi Laibu 26:19

keimah in na kiphatsakpih uh note’ vangliatna susia-in, na vantungte uh sik bangin bawlin na leitung uh sumngo bangin ka bawl ding hi;

Piancilna 43:1

Tu-in gamsungah kialpi nasia semsem hi.

Amos 4:6

Na khuapi khempeuh uhah kial tungsakin, an nek ding nei loin note a hong koihpa in keimah hi napi-in, keima lamah nong kihei tuan kei uh hi, Topa in ci hi.

Late 105:16

Amah in leitungah kialpi tungsakin, an khempeuh a siatsak ciangin,

Thu-hilhkikna 28:38

Khaici tampi lo-ah na tuh ding uh a, ahi zongin tawmno bek na khawm ding uh hi; bang hang hiam cih leh kauphe in nemang ding hi.

Ezekiel 14:21

“Topa Pasian’ thugen in hih bang ahi hi. Mihing ganhing a sumai dingin daan nasia pen li ahi gal, kialpi, a kihtakhuai gamsate, leh natna, Jerusalem ah ka tungsak ding hi.

Jeremiah 14:1

Guahzu lo-a khua keuna tawh kisai-in Topa in Jeremiah hih bangin a hopih hi:

1 KUMPI MASATE 18:2

Tua ahih ciangin Ahab kiangah amah kilak tawm dingin Elijah pai hi. Tu-in Samaria ah kialpi nasia hi.

Thukhente 12:8

Ama nungah Bethlehem khuami Ibzan in Israelte thu khen hi.

2 SAMUEL NIHNA 21:1

Tu-in kum khat khit kum khat, David’ hun sungin kum thum sung kialpi tung hi; tua ciangin David in Topa’ kiangah thu dong hi. Tua ciangin Topa in, “Amah in Gibeon mite that ahih manin Saul leh a innkuan tungah mithah mawhna om hi,” a ci hi.

Thukhente 17:7

Tu-in Judah gam Bethlehem khuami, Judah innkuan, Levi tangval khat om hi; amah tua lai-ah peem hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

1 KHANG TANGTHU MASATE 2:51

Bethlehem khuapi a sat Salma, leh Bethgader khuapi a sat Haref ahi uh hi.

1 KHANG TANGTHU MASATE 2:54

Bethlehem khuapi a sat Salma’ suante in: Netofah mite, Atroth-bethjoab, leh Zorah mi ahi Manahath mite a lang ahi hi.