Paunak 9:8 - Tedim Bible

⁸ Mihaite thuhilh kei in, hong mudah ding hi. Mipilte thuhilh in, hong it ding hi.

Tedim Bible Revision 2017

⁸ Mihaite thuhilh kei in; hong mudah ding uh hi. Mipilte thuhilh in; hong it ding uh hi.

Paunak 9:8 Referans Kwoze

Late 141:5

Mi phapa kei hong vuasak in la, ahih hangin migilopa ka lu sathau nilh sak ngei kei in; bang hang hiam cih leh amau’ gitloh gamtatnate lang pangin thu ka ngenngen hi.

Paunak 13:18

Thu kihilhna zui lo mi in zawn’na leh mindaina ngah a, thu kihilhna a zui mi in minphatna leh pahtawina ngah hi.

Paunak 23:9

Mihaite, pil hopih kei in, a manphatna phawk thei lo uh hi.

Paunak 15:12

A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Mattiu 7:6

“Na a siangthote uite na pia kei un. Vok mai-ah suangmanphate na paai kei un. Tuate in a khe uh tawh a sikgawp khit uh ciangin, kihei-in hong pet kha ding uh hi.”

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Paunak 28:23

Mi khat tai-in thuhilh lecin, tungtham-a phatna sangin, a tawpna-ah lungdam zaw ding hi.

Siampi Laibu 19:17

“Note in na lungsim sung uhah na sanggampa uh mudah loin, na vengte uh tawh na thu kituah lohna uh kikum khawmin na siangsak ding uh hi; tua hi kei leh ama hangin khialhna na pua ding uh hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

1 KUMPI MASATE 1:23

Amaute in kumpipa kiangah, “Hih lai-ah kamsangpa Nathan om hi,” a ci uh hi. Kumpipa mai-ah amah hong pai ciangin a mai lei lam ngatin kumpipa’ mai-ah kun hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 1:32

Kumpipa David in, “Siampi Zadok, kamsang Nathan, leh Jehoiada’ tapa Benaiah va sam in,” a ci hi. Tua ahih ciangin kumpipa mai-ah amaute hong pai uh hi.

Paunak 10:8

Mipilte in thuhilhna mang a, a haipaute in lungkhamna tuak hi.

Paunak 13:1

Ta pil in a pa’ hilhna mang a, a kihisak mi in akhial min pua nuam lo hi.

Paunak 19:25

Thu theilote in satna tawh pilna ngah zo bek a, thu ngaihsunte in taina lel tawh pilna ngah zo uh hi.

Isaiah 36:21

Ahih hangin kumpipa in, “Dawng kei un,” ci-in thu pia khol khin ahih manin amaute daii takin om uh a, kam khat beek dawng lo uh hi.

Paunak 1:5

Mi ciimsate ciimsak semsemin, mipilsate pilsak semsem-in,

Paunak 23:23

Thuman, pilna, siamna, thu ngaihsut theihna lei in; tuate zuakkhiat dingin pammaih lua hi.