Paunak 9:6 - Tedim Bible

⁶ Thu thei lote taisanin khan’sau un la, pilna lampi zui un,” ci sak hi.

Tedim Bible Revision 2017

⁶ Thu thei lote taisanin khansau unla, pilna lampi zui un,” cisak hi.

Paunak 9:6 Referans Kwoze

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Paunak 4:11

Na pil nading lampi kong hilh zo a, na gamtat nading zia kong gen zo hi.

Luka 13:24

Zeisu in, “Kong kawciik ah na lut zawh nadingun hahkat un. Bang hang hiam na cih uh leh, tampi in a lut nop ding uh hangin a lut zo kei ding uh hi, kong ci hi.

2 KORIN NIHNA 6:17

Tua ahih ciangin: “Tua mite lak pan paikhia un la, a tuamin om un. A siangtho lote na lawng kei un.

Mangmuhna 18:4

Tua lai takin vantung pan aw khat ka zak in, “Ka mipawlte aw, tua khuapi gilohnate tawh na kipawl loh nading uh ahi zongin, ama pulnatnate na thuak loh nading uh ahi zongin, pusuakin hong paikhia un.

Sawltak 2:40

“Hih gilo khang mite lak panin kigumkhia un,” ci-in thudang tampi tawh hansuah a, thu a hilh hi.

Paunak 9:11

Pilna in na khang hong khan ding a, na nuntakna hong sausak ding hi.

Paunak 8:35

Kei hong mu mipa in nuntakna a mu hi a, Topa’ mai-ah maipha ngah hi.

Late 119:115

No, siatna bawlte aw, Pasian’ thupiaknate ka zuih theih nadingin kei kiang panin paikhia un.

Late 45:10

Tanu aw, ngai in, ngaihsun in la, na bil hong ngat in; nangma mite leh na behte mangngilh in;

Paunak 10:17

Kihilhna man’na in nuntakna lampi zuihna hi a, hilhna man’nop lohna in lauhuai lampi zuihna ahi hi.

Paunak 23:19

Ka ta aw, ka thu ngai in la mipil suak in; lampi man zuih ding ngaihsutpi-in nei in.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute in keima mi hi-in, keimah in amaute’ Pasian ka hi ding hi.

Ezekiel 37:24

Ka nasempa David in amaute’ kumpi hi ding a, mi khat ukna nuai-ah amaute kigawmin, ka thukhamte hoih takin zui ding uh hi.