Paunak 8:8 - Tedim Bible

⁸ Ka gen khempeuh ahi vive hi a, zuauthu, thukawi om het lo hi.

Tedim Bible Revision 2017

⁸ Ka gen khempeuh ahi vive hi a, zuau thu, thukawi om het lo hi.

Paunak 8:8 Referans Kwoze

Johan 7:46

Palikte in, “Tua pa’ hilh bangin kuamah in a hilh ngei kei hi,” a ci uh hi.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Late 12:6

Topa’ thuciamnate in a siangtho thuciamna hi a, meikhuk sunga sagih vei a kisiangsak ngun tawh kibang hi.

Isaiah 63:1

Edom gam, Bozrah khua panin puan ausan silhin a hong pai, a puan silhna-ah minthan’na nei-in, ama thahatna tawh hong paipa kua ahi hiam? A honkhia zo dingin hatna a nei, gualzawhna thu a zasak dingin a hong paipa in Topa ahi keimah ka hi hi.

Isaiah 45:23

Keimahmah ka kiciam khin a, a kikhel kik nawn lo ding thu in, ‘Keima mai-ah mi khempeuh hong khukdin ding a, keima tungah thuman dingin hong kiciam ding uh hi,’ cihna, kei’ kam sung panin thumanna tawh pusuak khia khin zo hi.

Thu-hilhkikna 32:5

Amaute in ama tungah gamtat sia uh a, amaute’ sitban’na hangin amaute in ama tate hi nawn lo uh hi; amaute in a lampial, lungsim kawi khang mite ahi uh hi.

Filippi 2:15

Tua bangin na hih uh leh, mawhsak nading om loin, kuama tungah khialhna om loin, lungkawi-a kisia mi pawlte lakah mawhna neu kha beek a nei lo Pasian’ tate na suak ding uh hi. Nuntakna tawh kipawl thu hilhin, vantunga aksite bangin tua mi pawlte lakah na taang ding uh hi.

Paunak 2:15

mi lungsim kawi, muan’ theih loh ding mite panin nang hong kem ding hi.

Paunak 4:2

Bang hang hiam cih leh kong hilh thute thuhoih ahi hi; kong hilhte khempeuh lim takin, ciamteh un.

Paunak 14:6

Mi a simmawh theite in pilna a zon’zon hangin ngah zo lo a, thu ngaihsun theite in olno takin ngah thei uh hi.