Paunak 8:17 - Tedim Bible

¹⁷ Kei hong itte ka it a, kei hong zong peuhmahte in hong mu uh hi.

Tedim Bible Revision 2017

¹⁷ Kei hong itte ka it a, kei hong zong peuhmahte in hong mu uh hi.

Paunak 8:17 Referans Kwoze

Johan 14:23

Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

Johan 14:21

Ka thupiakna nei a, a zui mi in kei hong it hi. Kei hong it mi ka Pa in a it ding hi. Keimah in zong amah ka it ding a, ama kiangah ka kilang ding hi,” a ci hi.

Late 91:14

Amah in itna tawh kei hong bel ahih manin amah ka honkhia ding a, amah in ka min thei ahih manin mun sangna-ah amah ka koih ding hi.

Isaiah 55:6

“A kimuh theih hun lai-in Topa zong un la, a nai om lai-in amah sam un;

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

1 JOHAN MASA 4:19

Pasian in eite hong it masak maninah eite in amah i it hi.

Isaiah 45:19

Keimah in mun simtham, khuamialna gam sungah thu ka gen kei hi; Jakob’ suan leh khakte kiangah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

Johan 16:27

Bang hang hiam na cih uh leh, note in kei nong it uh a, Pa kiang pan kong pai hi cih um na hih uh ciangin, Pa in zong note hong it ding hi.

Marka 10:14

Zeisu in a muh ciangin heh a, “Naupangte omsak ta un. Ka kiangah hong pai ding uh kham kei un. Bang hang hiam na cih uh leh, Pasian Gam in tua bangte gam ahi hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Lim takin kei nong zong ding uh a, ahi zongin koi mah-ah nong mu kei ding uh hi.

Thuhilh-sia 12:1

Na lungkham hun ding hong tun’ ma, “Nuntakna nuamsa kei ing,” na cih ma hun, na khangno lai takin nang hong Piangsakpa phawk in.

Johan 7:37

Pawikham a tawp ni alianpen ni-in Zeisu ding a, “Mi khatpeuh in tui a duh leh, ka kiangah hong pai-in dawn ta hen.

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.

Paunak 2:4

Ngun, ahih kei leh a kiseel sum manpha zon’ bangin, hahkatin pilna zong in.

Paunak 2:5

Tua hi leh, Topa zahtakna thu na thei ding a, Pasian na theitel ding hi.

Paunak 4:6

Pilna nusia kei in, tua hi leh siatna panin nang hong hu ding hi, pilna deih in, tua hi leh lungmuang takin na om nadingin hong kem ding hi.

Paunak 8:16

Leitunga om mi ukte khempeuh in keima huhna bek tawh uk zo uh a, milian mithupite in keima huhna bek tawh vaihawm zo uh hi.

Solomon la 3:4

Khua sung cingte tawh ka kikhen khit phetin, ka ngaihno tawh ka kimu hi. Amah kawi-in ka lencip a, ka pian’na ka nu’ inndei sung, ka nu’ inn dong ka tun’pih mateng ka khah kei hi.

Johan 5:4

(Topa’ vantungmi khat ahun hunin hong paisuk zel a, tui a kiloksak hi. Tui a kilawh hun sungin tua bualtui sung a tung masapen pen, a natna peuhpeuh a damsiang pahpah hi).