Paunak 7:12 - Tedim Bible

¹² Mihon omna vanzuakna phual, lamdung citeng, leh kongkiu khatpeuhah mi ngakin om niloh hi.

Tedim Bible Revision 2017

¹² Mihon omna van zuakna phual, lamdung citeng, kong kiu khatpeuh ah mi ngakin om niloh hi.

Paunak 7:12 Referans Kwoze

Paunak 23:28

Gutate bangin nang hong buksim a, mi tampi tak siasak uh hi.

Paunak 9:14

ama kong gei-ah ahi a, khuasung mun sangpen ah ahi zongin tu a,

Mangmuhna 18:3

Bang hang hiam na cih uh leh, tua khuapi in a bawl nu leh pa mawhna bawlna leenggahzu hangin mipawl khempeuh kipukin a kisia uh hi. Leitung kumpite in zong amah tawh a mawh uh a, ama hauh luat-na hangin leitungah a om sumbukte in a hauh lawh uh hi,” ci-in nakpi aw tawh a kiko hi.

Mangmuhna 18:23

Meivakna nang sungah cikmah hunin kivak nawn lo ding hi. Mo leh Mopipa’ aw nang sungah cikmah hunin kiza nawn lo ding hi. Bang hang hiam na cih uh leh, na sumbukte in leitung upate ahi ngei uh hi. Nangma bum theih siamna in zong mipawlte a kheem hi.

Ezekiel 16:31

Kongzing citengah milim biak nading mun na bawl a, paktatna na gamta hi. Ahi zongin numei paktat dangte bangin sum a ngah zong na hi kei hi.

Jeremiah 3:2

Khuadak in la, mualsang dawnte en dih in! Hong kilup khoppih lohna mun koi lai takah om ahi hiam? Arab mite in a suam dingun gamlakah mi a ngak uh bangin nang in lam geiah tu-in luppih ding mi na ngak hi. Na paktatna leh na gitlohna tawh hih gam na ninsak zo hi.

Jeremiah 2:36

Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.

Jeremiah 2:33

“Na lawm ngaih ding na zon’ siam mahmah a, numei gilote nangawn na lampi na hilh zen hi!

Jeremiah 2:20

“Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

Paunak 7:8

Lamdungah amah a vak lai takin, tua bang numei paktat a omna inn gei khatah va pai kha a,