Paunak 6:32 - Tedim Bible

³² Ahi zongin numei tawh mawhte in thu ngaihsun thei lo mi hi a, amah leh amah a kisusia tawm ahi hi.

Tedim Bible Revision 2017

³² Ahi zongin numei tawh a mawhte pen thu ngaihsun thei lo mi hi a, amau le amau a kisusia tawm ahi uh hi.

Paunak 6:32 Referans Kwoze

Paunak 7:7

bangmah a phawk nai lo tangval honkhat lakah, tangval thu thei nai lo khat ka limmuh kha hi.

Hebru 13:4

Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.

Jeremiah 5:21

“Ngai un, ngaihsutna nei lo mihaite aw, mit nei napi-a mu lote, bil nei napi-a za lote aw.

Paikhiatna 20:14

“Nu-le-pa mawhna na bawl kei ding hi.

Piancilna 41:39

Tua ahih ciangin Faro in Josef' kiangah, “Pasian in hihte khempeuh nang hong lak khin ahih manin, nang banga thu ngaihsut siam leh a pil om lo hi;

Ezekiel 18:31

Na gamtatnasa uh mawhna khempeuh nusia un la, na lungsim leh na ngaihsutna uh thaksuahsak un. Bang hangin no Israel mite si nuam na hi uh hiam?

Jeremiah 5:8

Sakol gilvah a lante bangin a innvengte’ zite uh neh-in a tau huthut uh hi.

Paunak 9:4

“Thu thei lote aw, hong pai un,” ci-in samsak a, mihaite kiangah,

Paunak 8:36

Ahi zongin kei hong mu lopa in amahmah a kisusia hi a, kei hong mudah peuhmah, a si nuam ahi hi,” hong ci hi.

Hosea 13:9

No Israelte kong sugawp ding hi. Kua in note hong huh zo ding ahi hiam?

Paunak 6:33

Amah in satgawpna thuakin a min sia ding a, a mindai paisuak ding hi.

Paunak 10:13

Thu ngaihsun theite’ kam sungah pilna om a, mihaite’ nungzang ah ciangduai kinga hi.

Paunak 10:21

Mihoihte’ thugente in mi tampi nuamtuam sak a, mihaite in a hai sihpih uh hi.

Paunak 11:12

Simmawhna tawh midang hopihna in haina hi a, mipilte pau loin om dide hi.

Paunak 12:11

Nakpi tak-a lokhote in an hau a, man nei lopi-a hun beisakna in haina hi.

Paunak 24:30

Mi thadahpa’ lo gei-ah ka va pai a, mihaipa’ leenggui lo ka nawk kha hi;

Paunak 2:2

Pilna thute limtakin ngai in la, na theihtel zawh nadingin hanciam in.