Paunak 6:24 - Tedim Bible

²⁴ Mi’ zi tawh na mawh loh nading nang hong kemin, kamkhum zanga hong zol numei ginalote kiang panin hong hu ding hi.

Tedim Bible Revision 2017

²⁴ miʼ zi tawh na mawh loh nadingin nang hong kemin, kam khum zangin a hong zol numei gina lote kiang panin nang hong hu ding hi.

Paunak 6:24 Referans Kwoze

Paunak 2:16

A pasal tungah citak loin a pasal a nusia, Pasian’ mai-ah a kiciamna a mangngilh, kamkhum mahmah tawh nang zol ding a hanciam, numei paktatte panin hong cing ding hi.

Paunak 7:5

Tua hi leh, midangte’ zi tungah na khialh khak loh nading, kamkhum tawh hong zol numeite tawh na khialh khak loh nadingin hong hu ding hi.

Paunak 5:3

Numei paktatte’ kampau, khuaizu bangin khum mahmahin, a thugente uh a neel dakdak hangin,

Thuhilh-sia 7:26

Sihna sangin numei a siahuai zawkna ka theikhia hi. Ama hong piak itna in thang bangin hong tepcip a, ama hong kawina khut in sikkhau bangin hong hencip hi. Pasian’ deihna banga gamtate in tua bang numei pel thei a, ahi zongin a mawh nuamte a thang ah awk uh hi.

Piancilna 39:8

Ahih hangin amah in nialin a topa’ zi’ kiangah, “En in, kei hong nei ahih manin ka topa in inn sungah bangmah lungphatmawhna nei lo hi, ama' neih khempeuh ka khut sungah hong koih khin hi;

Paunak 5:20

Ka ta aw, bang hangin numei dang lunggulh ding a, numei dangte’ ngaihban’na iplah ding na hi hiam?

Paunak 7:21

Tua ahih manin kamkhum kamneel tawh amah zol a, tangvalpa in tua zolna mang kha hi.