Paunak 6:22 - Tedim Bible

²² Tua thute in na paina peuhah lam hong lak ding a, zan-in na ihmut kalin nang hong cing ding a, sun-in na hah sungin na gamtat nading hong hilh ding hi.

Tedim Bible Revision 2017

²² Tua thute in na paina peuh ah lam hong lak dinga, zanin na ihmut kalin nang hong cing dinga, sunin na hah sungin na gamtat nading hong hilh ding hi.

Paunak 6:22 Referans Kwoze

Paunak 2:11

Na thu ngaihsut theihna leh na thutelna in, nangmah hong hu-in,

Late 119:11

Nang tungah kong khialh loh nadingin ka lungsim sungah nangma thu ka khol hi.

Late 119:148

Nangma thuciamna a lungngaingai dingin, zan khuavak-in ka zanhak hi.

Late 119:9

Tangval khat in ama gamtatna bangci siangtho kep theih ding ahi hiam? Nangma thu mah bangin kepna tawh a gamtatna siangthosak thei ding hi.

Late 119:54

Hih leitung ka omna peuh ah, nangma ngeina kipte, la phuak-in ka sa sa hi.

Late 119:24

Na thuhilhnate ka deih hi; tuate in keimah thu hong lakte ahi hi.

Late 43:3

Na khuavak leh na thuman hong sawl khia in la, na mual siangtho leh na omna-ah kei hong paipih sakin, hong khasak in!

Late 119:97

Na thu deih mahmah ing! Sun tawntung-a ka lungngaih-ngaih ahi hi.

Late 17:4

Mite’ gamtatna tawh kisai-in ci leng, nangma muk pan-a hong pai thu tawh mi ngongtatte’ lampi ka pelh kim hi.

Late 3:6

Keimah hong galbawl, hong umcih mi tulsawm tampite ka kihta kei hi.