Paunak 6:21 - Tedim Bible

²¹ Amau’ hong thugente phawk tawntung in la, na lungsimah ciamteh niloh in.

Tedim Bible Revision 2017

²¹ Amauʼ hong thugente phawk tawntung inla, na lungsimah ciamteh niloh in.

Paunak 6:21 Referans Kwoze

Paunak 3:3

Thumanna leh cihtakna khahsuah ngei kei in la, na ngawng-ah tuate ok in, na lungtang tungah gelh in.

2 KORIN NIHNA 3:3

Koici bang hiam na cih uh leh, note in laitui tawh kigelh hi lo a, a nungta Pasian’ Kha Siangtho tawh kigelh na hi uh ahi zongin, suangpeek tungah kigelh ahi lo, lungtang satak peek tungah kigelh na hi uh ahi zongin, kote’ nasepna ah Khazih laikhak na hihna uh kitel takin na lak zo uh hi.

Paunak 4:6

Pilna nusia kei in, tua hi leh siatna panin nang hong hu ding hi, pilna deih in, tua hi leh lungmuang takin na om nadingin hong kem ding hi.

Thu-hilhkikna 6:8

Na khut tung uhah lim dingin tuate na hen ding uh a, na mitte uh kikalah tuate in talsuante bang hi ding hi.

Paikhiatna 13:16

Tua in na khut tung-a om ciamtehna lim ahih kei leh na mitte kikal-a talsuante bang hi ding hi; bang hang hiam cih leh Topa in a vangliatna tawh Izipt panin eite hong paikhiatpih hi,” a ci hi.

Paunak 4:21

Na kiang panin paikhia sak kei in la, na lungsim ah ciamteh in.

Paikhiatna 13:9

Na kam in Topa’ thu kham a gen tawntung theihna dingin hih in na khut tungah lim, na mitte kikalah phawkna khat hi ding hi; bang hang hiam cih leh Topa in a vangliatna khut tawh hih mun panin nang hong paikhiatpih hi.