Paunak 6:16 - Tedim Bible

¹⁶ Topa in a muhdah, a khahkhong ngei loh ding, thu guk, bek hilo, thu sagih tak om a tuate in,

Tedim Bible Revision 2017

¹⁶ Topa in a muhdah, a khah khong ngei loh ding, thu guk, tua zah bek hi lo, thu sagih tak om a, tuate pen

Paunak 6:16 Referans Kwoze

Late 11:5

Topa in midikte leh migilote en tel a, a ngongtat nuam mi a lungsim in mudah hi.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Paunak 11:20

Topa in lungsim gilo mite mudah a, a man-a gamtate tungah lungkim hi.

Paunak 3:32

Bang hang hiam cih leh Topa in a sia-a gamtate mudah a, thuman mite bek a pawlpih dingin la hi.

Thu-hilhkikna 25:16

Bang hang hiam cih leh tua bang na a hihte khempeuh, a man lo-a a gamtate khempeuh, Topa note’ Pasian tungah a kihhuai ahi hi.

Paunak 17:15

Migilote khahkhongna, leh thuman mite mawhsakna, a nih tuakin Topa in deih lo hi.

Paunak 11:1

Topa in tawikhaina man lo a zangte mudah a, tawikhaina man a zangte tungah lungkim hi.

Amos 2:1

Topa in hih bangin ci hi: Moab mite a khialh kikkik nilohna hangun, pel loin amaute daan ka tat ding hi. Bang hang hiam cih leh leiseek cian’na-a kizang leikang dingin, Edom kumpipa’ guhte hal uh hi.

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Amos 1:9

Topa in hih bangin ci hi: Tai-ar khuamite a khialh kikkik nilohna hangun pel loin amaute daan ka tat ding hi. Bang hang hiam cih leh amaute in, minam bup khat Edom mite tungah ap uh a, lawmta dinga a thuciamna uh zui lo uh hi.

Amos 1:6

Topa in hih bangin ci hi: Gaza khuamite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, minam bup khat sal dingin, manin, Edom mite tungah ap uh hi.

Amos 1:3

Topa in hih bangin ci hi: Damaskas khuamite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, angawina suang tawh gawizan bangin, Gilead gam mite gawi gawp uh hi.

Paunak 30:21

Leitungmi khempeuh in a thuak zawh loh thu thum, eh! thu li om a,

Paunak 20:23

Tawisuang nam nih a zangte, Topa in mudah a, amah in tawikhaina man lote hoihsa lo hi.

Thu-hilhkikna 24:4

tua numei a hawlkhia a pasal masa in, tua nu a kinitsak khit ciangin, a zi dingin la kik thei nawn lo ding hi; bang hang hiam cih leh tua in Topa mai-ah kihhuaina hi a, Topa note Pasian un luah dinga hong piak leitang tungah mawhna na tun’pih kei ding uh hi.

Thu-hilhkikna 23:18

A paktatnu a kiguaihna sum ahi a, a paktatpa a kiguaihna sum ahi zongin thuciamna khatpeuh peuh piakna-in Topa note’ Pasian’ inn sungah na paipih kei ding uh hi; bang hang hiam cih leh hih tegel in Topa note’ Pasian’ tungah a kihhuai ahi hi.

Amos 2:6

Topa in hih bangin ci hi: Israelte a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, leiba a loh zawh loh man bekin midik kim lai zuak uh a, khedap bu khat man a loh zawh loh man bekin mi cimawhte sila-in zuak uh hi.

Amos 2:4

Topa in hih bangin ci hi: Judah mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak hi.

Paunak 30:29

A gamtatna i et ciangin a thupi suak mahmah thum, eh! li om a,

Paunak 20:10

Tawisuang nam nih leh piciang nam nih zanga khemna, Topa in a deih lohna kibang hi.

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

Paunak 30:24

A neu mahmah ganhing nam li leitungah om a, ahi zongin a pilpen pente ahi uh hi.

Paunak 30:18

Ka theih zawh het loh a lamdang mahmah thu thum om a, eh! li hizaw:

Paunak 6:15

Tua ahih manin theihkholh lohin ama tungah lungkhamna tung ding a, bawlkik zawh nawn loh dongin siatna ngah ding hi.

Paunak 6:17

kihihsakna, zuauthu genna, mawhnei lo mi thahna,

Jeremiah 26:15

Kei nong thah uh leh bel, mawhnei lo mi khat na thah manun note mahmah-a kipan hih khuapi leh a sunga teengte in na thuak ding uh hi, cih thei ta un. Bang hang hiam cih leh na bil mahmah a, na zak dingun hih thute a gen dingin Topa’ hong sawl taktak ka hi hi,” a ci hi.

Zekhariah 8:17

Khat leh khat kisiatsak nading vaihawm kei un la, a man lopi-in teci pangin kiciam kei un. Zuauna, thuman lohna, leh kibawlsiatnate ka deih kei hi,” hong ci hi.

2 KUMPI NIHNATE 21:16

Tua tham loin amaute in Topa’ muhna ah a sia a gamtat nadingun amah in Judah mite a khialhsakna banah, Jerusalem mong khat pan mong khat sisan tawh a kidimsak dongin Manasseh in mawhbaang lo mi tampi that hi.

JOB (Job) 5:19

Lungkhamna guk vei dong na tuahna-ah amah in hong hon ding a, a sagih veina dingah siatna in nang hong su nawn lo ding hi.

Late 5:7

Kei ahih leh, a kicing na itna kip suangin na inn sungah ka tum ding a, nangmah zahtakna tawh a siangtho na biakinn lam nga-in ka bia ding hi.

Paunak 12:22

Topa in zuau gen mite mudah a, mi citakte tungah lungdam hi.

Paunak 21:4

Kihisak-a gamtatna leh kiphatsakna lungsimte in, mawhna hi a, migilo hihna lim ahi hi.