Paunak 6:14 - Tedim Bible

¹⁴ A lungsim-ah thusia bekbek ngaihsun niloh a, a omna peuh-ah buaina piangsak hi.

Tedim Bible Revision 2017

¹⁴ A lungsimah thusia bekbek ngaihsun niloh a, a omna peuh ah buaina a piangsak hi.

Paunak 6:14 Referans Kwoze

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.

ROM (Romans) 16:17

Ute naute aw, na san’sa uh thuhilhna tawh kituak lo, kikhenna leh pukna a bawl thei mite ciamteh un la, tang un, ci-in kong thuum hi.

Hosea 8:7

Paunak-ah, Huih a tuhte in huihpi ngah kik ding a, a vui om lo an kung in an nek ding piang sak lo hi, kici hi. A vui om lo an kung panin an kingah mah taleh zong gamdang mite in a netum ding hi.

Ezekiel 11:2

Pasian in kei kiangah, “Ezekiel aw, hih mite pen khuapi sungah thu hoih lo a gen migilote ahi uh hi.

Isaiah 57:20

Ahih hangin mi gilote pen a kilok tuipi tawh kibang uh hi; bang hang hiam cih leh tuipi khawlcip thei lo a, a tuite in buan leh ninte laamto uh hi.

Isaiah 32:7

Mi gina lote’ ginat lohna in sia hi; zuauna kam tawh mizawngte siasak leh mi cimawhte’ thu a thuman ciang nangawnin a siasak dingin amah in gitloh nasepna bawl hi.

Paunak 22:8

Thuman lo khaici a vawhte in lungkhamna tuak a, amau’ hehna ciangduai amau’ tung mah tu kik hi.

Paunak 21:8

Mimawhte thukawi-in gamta uh a, midikte a man-in gamta uh hi.

Paunak 3:29

Nang hong muangin na nai-ah hong teeng na vengpa, gim a ngah nading bangmah vaihawm kei in.

Paunak 2:14

a sia-in gamtat ding nuam a sa, asia-a gamtatna-ah a lungkim mahmah,

Late 36:4

A lupna tungah siat gamtat ding sawm a, hoih lohna-ah amah kibulhtawm hi; amah in siatna nolh lo hi.

Late 140:2

Amaute in a lung sung uh ah thusia geelgeel uh a, gal vive phuang ngitnget uh hi.

Paunak 16:27

Migilote in siat nading bek zongzong a, a kampaunate uh na a kangtum thei meikuang tawh kibang hi.

Paunak 17:20

Lungsim hoih lote in lungdamna mu lo a, mi a khem theite in lungkhamna tuak hi.

Paunak 24:8

Thusia lamsang a deih mite, thusia bawl mi kici hi.

Late 140:3

Amaute’ leii in gulpi leii bang a, a thugente uh gulgu bang hi.

Paunak 3:32

Bang hang hiam cih leh Topa in a sia-a gamtate mudah a, thuman mite bek a pawlpih dingin la hi.

Paunak 14:22

Na a hoih a semte, mite in muangin zahtak a, asia gamtatna in khialhna lianpi ahi hi.