Paunak 5:3 - Tedim Bible

³ Numei paktatte’ kampau, khuaizu bangin khum mahmahin, a thugente uh a neel dakdak hangin,

Tedim Bible Revision 2017

³ Numei paktatteʼ kampau khuaizu bangin khum mahmah in a thugente uh a neel dakdak hangin,

Paunak 5:3 Referans Kwoze

Paunak 2:16

A pasal tungah citak loin a pasal a nusia, Pasian’ mai-ah a kiciamna a mangngilh, kamkhum mahmah tawh nang zol ding a hanciam, numei paktatte panin hong cing ding hi.

Paunak 7:21

Tua ahih manin kamkhum kamneel tawh amah zol a, tangvalpa in tua zolna mang kha hi.

Paunak 7:5

Tua hi leh, midangte’ zi tungah na khialh khak loh nading, kamkhum tawh hong zol numeite tawh na khialh khak loh nadingin hong hu ding hi.

Paunak 6:24

Mi’ zi tawh na mawh loh nading nang hong kemin, kamkhum zanga hong zol numei ginalote kiang panin hong hu ding hi.

Late 55:21

Ama kampau in thawhbat sangin nelzaw a, ahi zongin a lung sungah muhdahna om hi; a kammalte sathau sangin nipzaw a, ahi zongin tuate pen namsau hiam mahmah tawh kibang hi.

Paunak 5:20

Ka ta aw, bang hangin numei dang lunggulh ding a, numei dangte’ ngaihban’na iplah ding na hi hiam?

Paunak 22:14

Numei tunga mawhna in thangzak bang hi a, tua thang ah a awkte tungah Topa heh hi.

Solomon la 4:11

Lawm aw, na muk, khuaizu bangin khum a, na leii in bawngnawi leh khuaizu ahi hi. Na puante in, Lebanon Mual tunga paknamtui namkim a nam hi.

Thuhilh-sia 7:26

Sihna sangin numei a siahuai zawkna ka theikhia hi. Ama hong piak itna in thang bangin hong tepcip a, ama hong kawina khut in sikkhau bangin hong hencip hi. Pasian’ deihna banga gamtate in tua bang numei pel thei a, ahi zongin a mawh nuamte a thang ah awk uh hi.