Paunak 5:22 - Tedim Bible

²² Migilopa’ mawhna in thangzak bang hi a, ama mawhna thang sung mahah amah awk hi.

Tedim Bible Revision 2017

²² Migilo paʼ mawhna thangzak bang hi a, ama mawhna thang sung mahah amah a awk hi.

Paunak 5:22 Referans Kwoze

Paunak 11:5

Thumanna in midikte’ nuntakna a nuam zaw-in piangsak a, migilote in amau’ gitloh mah puklawh uh hi.

Paunak 1:18

Ahi zongin hih mite in amau’ awk nading mah thang siah uh a, kuamahdang awk loin, amau mah hai awk uh hi!

Late 9:15

Amau bawlsa gum sungah minamte kiasuk uh a, a ngenthang siahna sung uh-ah amau khe mah a awk hi.

Hebru 13:4

Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Thuhilh-sia 7:26

Sihna sangin numei a siahuai zawkna ka theikhia hi. Ama hong piak itna in thang bangin hong tepcip a, ama hong kawina khut in sikkhau bangin hong hencip hi. Pasian’ deihna banga gamtate in tua bang numei pel thei a, ahi zongin a mawh nuamte a thang ah awk uh hi.

Paunak 11:3

Midikte thuman in gamta uh a, amau’ hoihlohna tawh migilote kisusia hi.

Gamlak-vakna 32:23

Ahih hangin note tua bangin na gamtat kei uh leh, en un, Topa’ tungah a khial khin na hi uh hi; na khialhna un note hong sulzuih ding thei tel ta un.

Thukhente 20:41

Tua ciangin Israel mite hong kilehhei uh a, Benjamin mite lungkia uh hi; bang hang hiam cih leh amau’ siat nading a naina thei uh hi.

Late 40:12

Bang hang hiam cih leh a mal-a sim zawh loh ding siatna tampi in kei hong umcih hi; khua hong mu thei losak zah dongin ka mawhnate in kei hong pha khin hi, amaute ka lu tunga ka sammal sangin tamzaw uh hi; ka lung in a lel hi.

Kah la 1:14

Amah in ka mawhnate khempeuh ciamteh a, hen-in lom khat suahin ka ngawng zangah hong khih a, gik lua mahmah ahih manin ka taang zo peuhmah kei hi. Topa in ka galte khut sungah hong pia ahih manin bang mah ka hih thei nawn kei hi.

Thukhente 9:57

Pasian in Shekhem mite khempeuh’ gitlohna amau’ lu tungah tusak kik hi; tua bangin Jerubbaal’ tapa Jotham’ samsiatnate amau tungah a tung hi.

1 KUMPI MASATE 18:18

Amah in dawngin, “Keimah in Israel mite ka lungkhamsak kei hi; nang in Topa’ thupiaknate nusia-in Baalte zui na hih manin nang leh na pa’ innkuan in na lungkhamsak uh hi.

Esther 9:25

Ahih hangin kumpipa in hih thu a theih ciangin, Judah mite suk nadingin Haman in a geelsa thuhoih lopen Haman’ lutung mah a lehtuk nading, leh amah leh a tapate khuam tungah a kikhai nading lai-in gelhin thupia hi.

JOB (Job) 18:8

Thangsiahna ngen sungah bungbu tuk a, gum sungah amah kia hi.

Late 9:17

Pasian a mangngilh minam khempeuh ahi migilote in Leinuai ah pai ding uh hi.

Paunak 11:6

Thumanna in midikte honkhia a, thuman lo mite in amau’ huaihamna mah awkpih uh hi.

Paunak 12:14

Mite in kamhoih pauna hangin thaman ngah a, a sepna bangun zong thaman ngah hi.

Paunak 14:32

Migilopa, ama tatsiatna in puksak a, mihoihpa, ama hoihtatna in hu hi.

Paunak 18:7

Mihaite a pau ciangin amau’ siat nading mah kampau hi a, amau kampau mah awkpih uh hi.

Paunak 24:12

Ke’n thei kha kei ing, na cih nop hangin, lungsim a thei Pasian in tel veve a, nang hong encik Pasian in hong tel theihna phawk in; mi khempeuh a gamtatna bangin thukkik ding hi.

Paunak 26:27

Mi siahna-in gum a tote, ama gum tawhna sung mah-ah amah leh kiat zawsop a, mi a deng kha dinga suang a khukte, ama suang khuk mah in amah leh khak zaw hi.

Obadiah 1:15

Bang hang hiam cih leh minam kimte tunga ka thukhen nading ni a nai zo hi. Na bawl bangin nangma tungah a hong kibawl ding hi. Na hih bangin na lu bukah a hong tu kik ding hi.