Paunak 5:21 - Tedim Bible

²¹ Bang hang hiam cih leh Pasian in na gamtatna khempeuh hong mu a, na paina khempeuh hong en kawikawi hi.

Tedim Bible Revision 2017

²¹ Bang hang hiam cih leh Pasian in na gamtatna khempeuh hong mu a, na paina khempeuh ah nang hong en kawikawi hi.

Paunak 5:21 Referans Kwoze

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Paunak 15:3

Topa’ mit in mun khempeuh mu a, misia, mipha, hong encik kim hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.

JOB (Job) 34:21

“Pasian in mihingte gamtatna khempeuh hong encik a, i kalsuanna themno dongin hong mu khin hi.

Late 11:4

Topa in ama biakinn siangtho sungah om a, Topa’ tokhom in vantungah om hi; a mit-in en a, a mit tawh mihing’ tate entel hi.

JOB (Job) 31:4

Pasian in ka gamtatna khempeuh thei a, ka kalsuanna khempeuh hong mu hi.

Hosea 7:2

Amau’ gamtatsiatna khempeuh ka phawk lam tak amaute in ngaihsutin nei kha lo uh hi. Amau’ mawhna in amaute gakcip a, ka muhna mahmah-ah om gige uh hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Jeremiah 16:17

Bang hang hiam cih leh a omdan khempeuh uh ka mit-in ka mu a, kei’ kiang pana a kiseel bangmah om lo hi. A khialhna khempeuh uh zong ka mit panin a kiseel kei hi.

Late 119:168

Na thuhilhnate leh na biakna ngeina kipte khempeuh ka zui a, ka gamtatna khempeuh nang nong mu hi.

Late 17:3

Keima lungsim hong sin in la, zan-in nangmah ka kiangah hong hawh in la, keimah hong ze-et lecin, ka sungah gitlohna na mu kei ding hi; ka kam in khial lo hi.

JOB (Job) 14:16

Tua ciangin ka kalsuanna khempeuh nong en ding a, ahi zongin ka khialhnate nong sulzuih nawn kei ding hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu-a kipanin galdonate na nei ding hi,” a ci hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

Mangmuhna 2:18

“Thiatira khua-ah a om pawlpi’ vantungmi kiangah hih bangin gelh in. ‘Meikuang bang mittang a nei, sumngo taktak bang khete a nei Pasian’ Tapa’ thupiakna in:

Paunak 4:26

Na khatpeuh na sepna thu theitel in, tua hi leh na sep peuhpeuh mavang ding hi.

Paunak 5:6

Nuntakna lampi-ah amah om lo a, nang na phawk loh hangin amah lam pialin a vakvai ahi hi.

Jeremiah 29:23

Bang hang hiam cih leh amaute Israel gamah hai gamtat uh hi: a innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in a gelh hi.

JOB (Job) 24:23

Pasian in amah a lungnuamin nungta sak a, ahi zongin amaute langpanin, encik tawntung hi.