Paunak 4:27 - Tedim Bible

²⁷ Siatna peelin a maanin gamta in la, thuman lampi panin themcik zong pial kha kei in.

Tedim Bible Revision 2017

²⁷ Siatna peelin a manin gamta inla, thuman lampi panin themcik zong pial kha kei in.

Paunak 4:27 Referans Kwoze

Thu-hilhkikna 5:32

Tua ahih ciangin Topa na Pasian un note hong thupiak bangin na gamtat ding uh na kingaihsun ding uh hi; ama thu panin taklam hita leh vei lamah hita leh na pial kei ding uh hi.

Joshua 1:7

Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Thu-hilhkikna 28:14

Note in tu ni-a kong thupiak limtakin zuihna tawh Topa na Pasian uh thupiaknate mangin, tu ni-a note kong thupiakna kammalte panin, pasian dangte, na semin a zui dingin, vei lam hita leh tak lamah hita leh na pial kei nak uh leh, Topa in a makai-in note hong bawl ding a, mi’ nungzui-in hong bawl lo ding hi; tung lam bekah na kah ding uh a, na nuai kiat ngei kei ding uh hi.

Paunak 16:17

Mihoihte in siatna tawh a kipelh ding lampi tawn a, a lampi tot limtak-a a ngaihsun mi in a nuntakna a hu ahi hi.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi; na behlap kei ding uh a, zong na khiam kei ding uh hi.

Isaiah 1:16

Note kisil tawm un la, a siangtho-in kibawl un; keima muhna-ah na gamtat siatnate uh paikhia un; siatna na bawlte uh khawl un la,

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

Paunak 1:15

Ka ta aw, tua bang mite tawh kikhawl kei in la, amaute kiang panin kihemkhia in.