Paunak 4:19 - Tedim Bible

¹⁹ Migilote’ lampi ahih leh zan khuamial bangin mial a, amaute a tuksak, a suihkhak nate nangawn mu thei lo uh hi.

Tedim Bible Revision 2017

¹⁹ Migiloteʼ lampi ahihleh zan khuamial bangin mial a, amaute a tuksak, a suih khakte nangawn mu thei lo uh hi.

Paunak 4:19 Referans Kwoze

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Jeremiah 23:12

Tua ahih manin amaute’ lampi in, khuamial lak lam nal-a pai tawh a kibang ding a, amaute kinawhkhia gawpin a tuk ding uh hi. Bang hang hiam cih leh amaute’ thuakna hun hong tun’ ciangin amaute’ tungah gimna ka tung sak ding hi, Topa in kong ci hi.

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Johan 11:10

Ahih hangin mi khat in khuamial lai takin a pai leh, ama sungah khuavak om lo ahih ciangin a puk thei hi,” a ci hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Mattiu 7:23

Tua bang a hong gen uh ciangin, ‘Note cikmahin kong thei ngei kei hi. Mawhna a hihte aw, kei kiang panin taikhia un,’ ka ci ding hi.”

Paunak 2:13

nuntakna manin a nungta lo, mawhna khuamial sungah a gamta,

JOB (Job) 18:18

A nungtate’ gam panin amah kihawl khia ding a, khuavakna mun panin khuamialna-ah kihawl khia ding hi.

JOB (Job) 12:25

Khuavak om loin khuamial lakah amaute in mialzawt uh a, zukham bangin amaute hoi-hoi uh hi.

JOB (Job) 5:14

Suntangpi-in amaute khuamial sung kiden’na a, suntangpi-in zan bangin mialzawt uh hi.

1 JOHAN MASA 2:11

A u a nau a mudah mi in khuamial sungah om a, khuamial sungah zong lam pai-in a gamta hi. Khuamial in ama mit khua musak thei lo a, a paina mun a thei kei hi.

Late 82:5

Amaute in thu-theihna ahi a, thutelna ahi zongin nei lo uh a, amaute khuamial sungah gamta uh hi; leitung bulpite khempeuh kiling hi.

Paunak 22:5

Migilote’ lampi-ah thang kisiahin so kidawh a, mipilte in tua lampi pelh uh hi.