Paunak 4:17 - Tedim Bible

¹⁷ Gitlohna, annek bangin nuamsa uh a, ngongtatna, tuidawn bangin ngaihsun uh hi.

Tedim Bible Revision 2017

¹⁷ Gitloh gamtatna, annek bangin nuamsa uh a, ngongtatna, tui dawn bangin a ngaihsun uh hi.

Paunak 4:17 Referans Kwoze

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Late 14:4

Topa’ tunga a ngen lo, an nek bang a ka mite a netum, siatna a bawlte in theihna nei lo ahi hiam?

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Zefaniah 3:3

A uliante, a hawk thei humpinelkai gilkial bang a, a thukhente, keivom gilkial bang uh hi. Zing khuavak mateng a saguh nek a nusia nuam lo, a huaiham gamsate tawh kibang uh hi.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Paunak 20:17

A man lo-a kingah an in lim zungzung a, ahi zongin a nung ciangin suangtang hai khak tawh kibang hi.

Paunak 9:17

Tui dawnsim, khum diak a, annek sim, lim diak hi,” ci hi.

Paunak 13:2

Mihoihte in a kamsiamna bangun thaman sang a, mizuaute in siattat ding bek ut uh hi.

Micah 7:3

A sia lam-a gamtat ding siam mahmah uh a, uliante leh thukhente in sumgolh ngenin, mi liante in amau’ deih teng pulak uh a, kipawlin vaihawm khawm uh hi.

Isaiah 5:18

Amaute in, “I muh theih nadingin amah manlang sakin, ama nasep kinawh sak ni; Israelte’ Siangtho Pa’ deihna i theihtheih nadingin nai sakin, tung sak ni!” ci-in ganhing kaih bangin khauzen tawh mawhna kai-in, khauhualpi tawh khialhna kai uh ahih manin gimna ngah ta uh hen.

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah ta hen!

Jeremiah 9:4

Mi khempeuh in a inn vengte uh kidawm uh hen la, a sanggamte uh muang kei uh hen; bang hang hiam cih leh sanggamte khempeuh khemhat ciat uh a, innvengte khempeuh zong gensiat hat ciat uh hi.