Paunak 31:9 - Tedim Bible

⁹ Amau’ ading thu genin a tangin thu khen in la, a zawng-a cimawh mite, amau’ adinga kilawm hamphatna ngah sak in.

Tedim Bible Revision 2017

⁹ Amau ading thu genin thu a tangin khen inla, a zawng a cimawh mite amau adingin a kilawm hamphatna ngahsak in.

Paunak 31:9 Referans Kwoze

Isaiah 1:17

gamtat hoih ding kisin un; thumanin gamta un la, nenniamna kheel un; pa nei lote huu un la, meigong numei pan’pih un.

Siampi Laibu 19:15

“Note in thukhenna ah thuman lo na hih kei ding uh hi; note in mizawngte langgen loin, a liante thu zui loin, thumanna tawh na vengte thu na khen ding uh hi.

Thu-hilhkikna 1:16

Tua hun lai takin na thukhente uh ka thuhilh a, ‘Na sanggamte uh thu neihte za un la, mi khat leh a sanggampa ahi a, amah tawh a om mi khualpa tawh ahi zongin thu a man takin khen un.

Jeremiah 22:3

Topa in a cih-inah, thumanin diktat un la, bawlsiatna a thuakte a bawlsiate’ khut sung panin honkhia un. Minam dangte, pa neilote leh meigongte simmawh bawl kha loin amau tungah ngongtat kha kei un la, hih munah zong mawhna nei lo mite that kei un.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

Jeremiah 5:28

thau-in a mai uh zol hi. Gitlohna lamah a hun bek a theithei kei uh hi. Tagahte’ phattuam nading khual loin thu a man lo pi-in khen uh a, mizawngte tungah thuman lo uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Paunak 16:12

Thuman-a gamtatna bek in kumpi kipsak ahih manin, asia-a gamtat ding kumpite ut lo uh hi.

JOB (Job) 29:12

Mizawng ka theih peuhmah ka huh a, cih nading thei lo tagahte ka huh hi.

Mangmuhna 19:11

Tua khit ciangin vantung kihongin ka et leh, sakol kaang khat ka mu hi. Tua sakol tung tuang mi in Dikna leh Thuman kici hi. Tua mi in dik takin thu a khen thei, gal a do thei hi.

Johan 7:24

Maitang zahtakna tawh thu na khen kei un; aman takin thu na khen un,” a ci hi.

Zekhariah 7:9

“Note in thu a tangin khenin, khat leh khat tungah itna leh hehpihna kilakin,

Paunak 20:8

Thukhenna tokhom tungah a tu kumpipa in, a mit-in a etna tawh a hoih lote khenkhia thei hi.

2 SAMUEL NIHNA 8:15

Tua ahih ciangin David in Israelte khempeuh uk hi; David in a mite khempeuh tungah thutang leh thuman zang hi.

Hebru 1:9

Nang in dikna thu na deih a, Gitlohna thu na mudah hi; Tua ahih ciangin nangma Pasian ahi Pasian in, Nangma lawmte khempeuh sangin Nang hong pahtawi zaw-in, Lungdamna sathau tawh hong nilh zo hi,” a ci hi.

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

1 SAMUEL MASA 19:4

Jonathan in a pa Saul kiangah David thu a hoihin genin ama kiangah, “Kumpipa a nasempa David tungah khial kei in; bang hang hiam cih leh nang tungah amah hong khial lo hi; ama nasepnate nang tungah nasep hoih ahi hi;

1 SAMUEL MASA 20:32

Tua ciangin Jonathan in a pa Saul dawngin, “Bang hangin amah kithat ding ahi hiam? Amah in bang hih ahi hiam?” a ci hi.

Paunak 29:7

Midikte in mi cimawhte’ ading thu khual a, migilote in tua bang khualna thei lo uh hi.

Late 82:3

A ginalote leh pa nei lote tungah thuman un la, a thuakte leh a cimawhte’ thumanna kipsak un.

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.