Paunak 30:4 - Tedim Bible

⁴ Vantungah kua kah to a, leitungah hong kumsuk kik ahi hiam? Kua in a khut sungah huihte lomcip a, puanin tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh, a tapa’ min bang ahi hiam?

Tedim Bible Revision 2017

⁴ Vantungah kua kah to a, leitungah kua hong kum sukkik ahi hiam? Kua in a khut sungah huihte lomcip a, puan tawh tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh a tapaʼ min bang ahi hiam?

Paunak 30:4 Referans Kwoze

Johan 3:13

Vantungah om a, vantung pan hong kumsuk Mihing Tapa khat longal kuamah vantungah a kahto ngei kei hi.”

JOB (Job) 26:8

Amah in meiilom lakah tuite khol a, tua tui gihna meii a pua zo sak hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Thu-hilhkikna 30:12

Note in, ‘Eite in a thu za-in i sep theih nadingin kua in vantungah eite adingin hong paisakin hong laksak ding ahi hiam?’ na cih theih nadingun vantunga om hi lo hi.

Mangmuhna 19:12

Ama mittangte in meikuang ahi hi. A lu tungah kumpilukhu tampi a om hi. Amah sim loh kuamah in a theih zawh loh min zong a nei hi.

ROM (Romans) 10:6

Ahih hangin upna tawh kipawl dikna in: “Vantungah kua in a kahto ding hiam?

Thu-hilhkikna 28:58

“Hih a minthang, zahtakhuai min, Topa na Pasian uh na kihtak theih nadingun hih laibu sunga kigelh hih thute lim takin zuih ding na ngaihsut kei uh leh,

Isaiah 53:8

Nenniamna leh thukhenna tawh amah kipaikhiatpih hi; a hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mite leh mi lehdote’ tung nangawn panin piakkhong nate na ngah hi.

Late 2:7

Topa’ thukhenna kong gen ding hi; Amah in kei’ tungah, “Nang in ka tapa na hi a, tuni in nang kong piang sak khin zo hi.

Paikhiatna 6:3

Abraham, Isaak leh Jakobte' tungah Vanglian Pasian-in ka kilang a, ahih hangin Topa ahi keima' min tawh amaute' tungah kei ka kitheisak kei hi.

Thukhente 13:18

Topa vantungmi in ama kiangah, “Hih in a lamdang hi, ci-in thei napi-in bang hangin ka min hong dong na hi hiam?” a ci hi.

Luka 10:22

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa mahmah leh Tapa in a theihsak nopte longal kuamah in Pa a thei kei hi.” a ci hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Jeremiah 23:6

Ama’ hun hong tun ciangin Judah mite a kihonkhia ding a, Israel mite lungmuang takin a teeng ding uh hi. Amah a kilawh nadingin a min, Topa IN EITE’ DIKTATNA AHI HI, ci-in a kiphuak ding hi.

Late 24:2

bang hang hiam cih leh amah in tuipite tungah a bul phut a, gunte tungah kipsak hi.

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Piancilna 32:29

Tua ciangin Jakob in amah dongin, “Na min hong gen in, hong thum ing,” ci hi. Ahih hangin amah in, “Bang hanga ka min hong dong na hi hiam?” ci hi. Tua lai-ah amah in thupha pia hi.

Paikhiatna 15:10

Nang in na huih tawh na mut a, tuipi in amaute tuum hi; a kihtakhuai tui sungah haknaw bangin amaute tum uh hi.

Late 135:7

Amah in leimong panin meiipi kai sakin, guahzuk nadingin khuaphialepte bawl a, ama saalte panin huih pusuak sak hi.

Isaiah 45:18

Vantungte a piangsakpa (amah Pasian!) leitung piangsakin a bawlpa (a kipsakpa; a awngthawl dingin bawl loin, teen’ nading a, leitung a piangsakpa!) Topa in hih bangin ci hi: “Keimah in Topa ka hi a, kuamah dang om lo hi.

JOB (Job) 11:7

“Pasian’ thuthuk thei khin zo ding na hi hiam? Vanglianpa’ hih theihna thei khin zo ding na hi hiam?

JOB (Job) 11:8

Pasian in vantung sangin sang zaw a, ahi zongin tua vantung nangawn na ban zo kei hi. Pasian in Leinuai thu thei a, ahi zongin nangmah in tua thu na thei kei hi.