Paunak 30:33 - Tedim Bible

³³ Bawngnawi, meekmeek lehang thawhbat hong suak a, mi khat a nak tupsak lehang si hong luang a, mi phin lehang kitotna hong piang hi.

Tedim Bible Revision 2017

³³ Bawngnawi toktok lehang thawhbat hong suak a, mi khatʼ nak tupsak lehang si hong luang a, mi phin lehang kitotna hong piang hi.

Paunak 30:33 Referans Kwoze

Paunak 29:22

A heh pahpahte in kitotna piangsak a, a heh baihte khial thei tawntung hi.

Paunak 28:25

A huaiham mi in kitotna piang sak a, Topa a muang mi in mihau hi ding hi.

Paunak 17:14

Kitot i kipat ciangin tui lipi cin’na phung kehsak khak tawh kibang hi; tua ahih manin a nasiat ma-in kitot khawl pak in.

Paunak 26:21

Meihol in mei am ding piangsak a, sing in mei kuangsak a, migilo in kitotna piangsak hi.

Paunak 16:28

Mihoih lote in kitotna piang sak a, mi gensiate in lawmta ki-it kimlai kimuhdah sak hi.

Paunak 15:18

Lungtomna in kitotna piangsak a, lungduaina in kilemna piang sak hi.

Piancilna 18:8

Tua ciangin, amah in bawngnawi-thaukhal, bawngnawi, a minsa bawngno sa la-in amau’ mai-ah lui hi; amaute in a nek lai takun sing nuai-a amau' kiangah amah ding hi.

Paunak 10:12

Muhdahna in kitotna piang sak a, itna in mawhna khempeuh maisak hi.

Paunak 31:1

Kumpipa Lemuel, a nu in a thuhilhna: