Paunak 30:10 - Tedim Bible

¹⁰ A topa kiangah sila khat gensia kei in; amah in nang hong gensia-in, gimna na thuak kha ding hi.

Tedim Bible Revision 2017

¹⁰ Sila khat a topa kiangah gensia kei in; amah in nang hong gensia-in gimna na thuak kha ding hi.

Paunak 30:10 Referans Kwoze

ROM (Romans) 14:4

Mi dang’ sawltak a dongtel nangmah in kua mi na hi hiam? Tua pa in a Topa thu dotna-ah a kip ahi zongin, a kip lo ahi zongin ahi ding hi. Ahih hangin a Topa in tua pa kipsak theihna a nei ahih ciangin a kipsak ding hi.

Thuhilh-sia 7:21

Mi’ gen khempeuh thudonin nei kei in; na nasempa’ hong samsiatna na za kha ding hi.

Daniel 6:24

Tua ciangin kumpipa in a hek teng khempeuh a zi a ta tek uh tawh humpinelkai koihna khuk sunga khiat dingin thu a pia hi. Amaute humpinelkai khuk taw a tun’ ma-un humpinelkai in bak khat suahin a guh a taang-in a balzan gawp hi.

Daniel 6:13

Amaute in kumpipa kiangah, “Judah salte khat ahi Daniel in kumpipa hong zahtak lo a, na thu piakna a mang nuam kei hi. Ni simin thum vei ta thu a ngen tawntung hi,” a ci uh hi.

Paunak 28:27

Mizawng a huhte cimawh ngei lo ding a, huhna a pia nuam lote in samsiatna ngah ding hi.

Paunak 11:26

An man khan’ ding ngakna-in a zuak nuam lote kisamsia a, lei nop hun-a a zuak pahte kiphat hi.

1 SAMUEL MASA 30:15

Tua ciangin David in ama kiangah, “Hih mite kiangah nong paipih suk ding hiam?” a ci hi. Amah in, “Nangmah in kei nong thah loh nading ahi a, ka topa’ khut sungah nong ap kik loh nading ahi zongin Pasian tawh kei tungah hong kiciam in, tua ciangin hih mihonte kiangah nang kong paipih suk ding hi,” a ci hi.

1 SAMUEL MASA 26:19

Tua ahih ciangin tu-in ka to kumpipa in a nasempa’ thu za in. Keimah do dingin nang hong toksuahpa in Topa ahih leh amah in biakna hong sang ta hen; ahih hangin mihing ahih leh amaute in Topa mai-ah samsiatna ngah ta hen. Bang hang hiam cih leh amaute in, ‘Pai in, pasian dangte’ na sem in,’ ci-in Topa’ gamh ka ngah loh nadingin tuni-in kei hong hawlkhia uh hi.

1 SAMUEL MASA 24:9

Tua ciangin David in Saul kiangah, “Bang hangin, ‘En in, David in na siat nading zong hi,’ a ci mite’ thu um na hi hiam?

Thu-hilhkikna 23:15

“A topa kiang panin nang kiangah a hong tai sila a topa kiang mah ah na ap kik kei ding uh hi;

Thu-hilhkikna 15:9

Na lungsim ah ngaihsutna hoih lo hong omin, ‘Kum sagihna, maisakna kum hong nai hi,’ ci-in na sanggampa gal mi etin amah bangmah na piak loh ciangin na lang khatah Topa tungah amah kiko-in, nang tungah khialhna a suah khak ding kingaihsun in.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.