Paunak 3:27 - Tedim Bible

²⁷ Nangma hih zawh ding thu ahih nak leh, midangte’ kitaangsapna huh tawntung in,

Tedim Bible Revision 2017

²⁷ Na hih zawh ding ahih nakleh midangteʼ kitangsapna huh tawntung in.

Paunak 3:27 Referans Kwoze

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

ROM (Romans) 13:7

Mi khempeuh ngah ding a kilawm bangin na pia un. Phiangsiah ngah ding a kilawmte phiangsiah na pia un. Kihtak ding a kilawmte na kihta un. Zahtak ding a kilawmte na zahtak ta un.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Piancilna 31:29

Nang kong siatsak ding keima' thu ahi hi; ahih hangin na pa’ Pasian in zan zan-in kei' kiangah thu hong gen a, ‘Jakob' tungah a pha hita leh a sia hita leh na gen ding kidawm in,’ hong ci hi.

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Thu-hilhkikna 15:13

Na kiang panin a suakta-in na paikhiat sak ciangin khut hawm guakin na paisak kei ding hi;