Paunak 3:25 - Tedim Bible

²⁵ Migilote tungah huihpi bangin siatna a tun’ ciangin, nang na lunghihmawh nading om lo ding hi.

Tedim Bible Revision 2017

²⁵ Migilote tungah huihpi bangin siatna a tun ciangin, nang na lunghihmawhna ding bangmah om lo ding hi.

Paunak 3:25 Referans Kwoze

Late 112:7

Amah in thusia zak ding lau lo hi; Topa muang a, ama lungsim a kip hi.

1 PETER MASA 3:14

Thuman thutak hangin gimna na thuak uh leh, thupha na ngah ding uh hi. Amaute’ tawn’na na lau kei un, na lungmang kei un.

Late 91:5

Nangmah in zan-a lauhuaina, sun-a thaltang leengte, khuamial lak-a a vak khiankhian pulnatna, sun nitaang-a suksiatnate na kihta kei ding hi.

Johan 14:1

Khatvei Zeisu in, “Note lungmang kei un; Pasian um un la, kei zong hong um un.

Marka 4:40

Tua lai takin Zeisu in, “Note in bang dinga lau na hi uh hiam? Upna nei lo na hi uh hiam?” ci-in a dong hi.

Mattiu 24:6

Galdona thu leh galkap nading thu na za ding uh hi. Ahih hangin na lunghihmawh loh nadingun na kingaihsun un. Bang hang hiam na cih uh leh, tua thu khempeuh a piang ding uh hi. Ahih hangin, a beina a tung nai kei ding hi.

Late 73:19

Tomno sungin amaute kisusia-in, launa in nilkhia mang!

Luka 21:9

Tua mite na zui kei un. Galdona thu leh gamlumna thu na zak uh ciangin lunghimawh kei un. Bang hang hiam na cih uh leh, tua thute a piang masa ding uh hi. Ahih hangin, a beina a tung nai kei ding hi,” a ci hi.

Mattiu 24:15

“Tua ahih ciangin kamsangpa Daniel a hilh ngei bangin, a kisia thei kihhuaina in a siangtho munah ding-a a om note in na muh uh ciangin, (Lai Siangtho a sim theite in thei ta hen.)

Paunak 1:27

Lungkhamna in huihpi’ nawk bangin note hong nawk gawpin, pingpei bangin note hong pei gawpin, lungkhamna leh sinkhamna na tuah uh ciangin kong don kei ding hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

Micah 4:4

A kuamah peuh lungnuamin, a leenggui phung leh a theikung nuai-ah ta hithiat ding a, kuamah in patausak nawn lo ding hi. Bang hang hiam cih leh Topa’ kam mahmah in hih thu gen khin ta hi.

Zekhariah 9:8

Tua ciangin ka gamsung ka hu ding a, galte ka nawksak kei ding hi. Ka mihingte’ thuakna mu khin ka hih manin, mi gilote ka bawlsiasak nawn kei ding hi.