Paunak 3:24 - Tedim Bible

²⁴ Launa om loin nuam takin na lum ding a, zan tawntung lungmuang takin na ihmu thei ding hi.

Tedim Bible Revision 2017

²⁴ Launa om loin nuam takin na lum dinga, zan tawntung lungmuang takin na ihmu thei ding hi.

Paunak 3:24 Referans Kwoze

Late 3:5

Lum-in ka ihmu a, Topa in hong kem ahih manin ka thokik hi.

Late 4:8

Nuam takin lumin ka ihmu ding hi; bang hang hiam cih leh Topa aw, nangmah bek in lungmuan’na munah nong om sak hi.

Paunak 6:22

Tua thute in na paina peuhah lam hong lak ding a, zan-in na ihmut kalin nang hong cing ding a, sun-in na hah sungin na gamtat nading hong hilh ding hi.

Jeremiah 31:26

Tua khit ciangin ka khanglo-a ka khua dak hi. Ka khan’ lawh nuam ka sa mahmah hi.

JOB (Job) 11:19

Kuamah kihtak nei loin nuam takin na om ding a, mi tampi in nangma maipha hong zong ding uh hi.

Siampi Laibu 26:6

Keimah in gam sungah nopsakna hong pia-in, note lungdam takin na lum ding uh a, bangmah in note hong lausak lo ding hi; keimah in gam sung panin ganhing gilote ka hawlkhia ding a, gal kidona in na gam uh hong nawk lo ding hi.

Late 127:2

Zingsangin tho baih-in, gimpi-a nangma’ sepsa an na nek hakna in a mawkna ahi hi; bang hang hiam cih leh amah in ama itte tungah a ihmut sung nangawnun a pia hi.

Ezekiel 34:15

Keimahmah in ka tuute ka cing ding a, nuam takin a om nading uh mun ka zon’ sak ding hi. Topa Pasian keimah in hih thu ka gen khin hi.

Sawltak 12:6

Herod kumpipa in a lakkhiat hun dek tak ni zanin Piter sikkhau nih tawh kihen a, galkap nih kikalah ihmu a, thong kong mai-ah a cingte in a cing uh hi.

Late 112:8

Amah lau lo, lunghimawh loin om hithiat a, amah a langpangte a guallelh ding lamtak theitel hi.

Paunak 1:33

ahi zongin, ka thugenna a ngaite in lungmuanna ngah ding a, launa nei loin nuam takin om ding uh hi,” a ci hi.

Thuhilh-sia 5:12

Na a sem mipa in a nek ding nei taleh nei takei leh lungnuam takin ihmu thei a, a haute ahih leh lungnuam takin ihmu thei lo uh hi.

2 KHANG TANGTHU NIHNATE 20:30

Tua ahih ciangin Jehoshafat’ ukna gam sung gamdai hi; bang hang hiam cih leh a Pasian in ama kiimah galdaihna pia hi.

Late 3:6

Keimah hong galbawl, hong umcih mi tulsawm tampite ka kihta kei hi.

Late 91:5

Nangmah in zan-a lauhuaina, sun-a thaltang leengte, khuamial lak-a a vak khiankhian pulnatna, sun nitaang-a suksiatnate na kihta kei ding hi.

Paunak 19:23

Topa a zahtakte in nuntakna nei-in, lungkim takin nuamsa-in om uh a, siatna bangmah tuak kha lo uh hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak ding a, gamlakah nuam takin gamta-in lum thei ding uh hi.

Ezekiel 34:27

Singkungte tampi tak gahin, lo-ah an tampi piang ding a, mi khempeuh a leitang ciatah nuam takin teeng ding uh hi. Sal ahihna panun ka mite suakta sakin, a kikhihna kolte uh ka sutsak khit ciangin, Topa ka hihna thu amaute in hong thei ding uh hi.