Paunak 3:2 - Tedim Bible

² Kong thuhilhte in na khan’ hong sausak ding a, nang hong daupai sak ding hi.

Tedim Bible Revision 2017

² Kong thuhilhte in na khan hong sausak dinga, hong daupaisak ding hi.

Paunak 3:2 Referans Kwoze

Paunak 4:10

Ka ta aw, ka thugente lim takin zui in, tua hi leh na khan a sau ding hi.

Paunak 9:11

Pilna in na khang hong khan ding a, na nuntakna hong sausak ding hi.

Late 91:16

Nuntak sau tawh amah ka lungkim sak ding a, amah ka honkhia ding hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

Late 128:6

Na tute a mu dingin hong siam hen la, Israelte tungah nopna om ta hen!

Late 119:165

Nangma thu a deihte in lungnopna lianpi ngah uh a, bangmah in amaute tuksak zo lo hi.

Paunak 10:27

Topa zahtakna in khan’sausak a, migilote khan’ sih hi.

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

ROM (Romans) 5:1

Tua ahih ciangin i upna tawh dikkisakna i ngah ahih ciangin eite Topa Zeisu Khazih hangin Pasian tawh i kilem hi.

Late 21:4

Nangma tung panin amah in nuntakna hong ngen a, ama tungah sau veipi nuntakna na pia hi.

ROM (Romans) 14:17

Bang hang hiam na cih uh leh, Pasian’ Gam in an nekna, tui dawnna-ah a kip kei hi. Kha Siangtho hanga kingah dikna, kilemna leh lungdamna-ah a kip hi.

Isaiah 32:17

Tua ciangin thumanna hangin nopna om ding a, thumanna hangin daihna leh lungmuan’ tawntungna om ding hi.

JOB (Job) 5:26

A hun ciangin ancilna phual-ah buhlom a tun’ mah bangin teek sihin han na zuan ding hi.

Thu-hilhkikna 11:21

Vantungte in leitung’ tungah a om lai teng, amaute tungah piak dingin Topa in na pu na pate uh tungah a kiciam gam sungah note leh na tate uh khan’ a sau theih nadingin na inn kongkhak khuam leh na kongpite uh tungah tuate na gelh ding uh hi.

1 KUMPI MASATE 3:14

Na pa David in a tot bangin nangmah in ka lampite tawnin ka thukhamte leh ka thupiaknate na zuih leh na khan’ ka sausak ding hi,” a ci hi.

Paunak 16:31

A teekte’ samkaang in minthan’na lukhu hi a, thuman-a nuntakna tawh a ngah ahi hi.

Thu-hilhkikna 5:32

Tua ahih ciangin Topa na Pasian un note hong thupiak bangin na gamtat ding uh na kingaihsun ding uh hi; ama thu panin taklam hita leh vei lamah hita leh na pial kei ding uh hi.

Paunak 4:4

ka pa in thu hong hilh a, “Ka thugente ciamteh in la mangngilh ngei kei in. Kong gen bangin gamta in, tua hi leh na nungta ding hi.