Paunak 29:6 - Tedim Bible

⁶ Migilote, amau’ mawhna sungah awkcip a, midikte ahih leh suakta-in lungdam uh hi.

Tedim Bible Revision 2017

⁶ Migilote amau mawhna sungah awkcip a, midikte ahihleh suakta-in lungdam uh hi.

Paunak 29:6 Referans Kwoze

Thuhilh-sia 9:12

Mihing in ama hun ding thei ngei lo hi. Thang-ah a awk vasate, ngen-ah a awk ngasate tawh i kibang hi. Lam-et loh hun laitak keekin, hun sia sungah mihingte i tung hi.

Paikhiatna 15:1

Tua ciangin Moses leh Israel mite in Topa' tungah hih la sa uh a, “Topa tungah la ka sa ding hi, amah in minthangin zo khin a, amah in sakol leh a tuangpa tuipi sungah lawn hi.

Late 118:15

Ngai un! thuman mite’ puanbuk sungah gualzawh lungdamna la kisa a, “Topa’ taklam khut in a lian nate hih khin hi!

Late 97:11

Thuman mite’ tungah khuavak hong taang a, lungsim thutang mite’ tungah lungdamna hong tung hi.

Late 11:6

Migilote tungah amah in mei-am leh kat zusak ding a, amau ngah ding hai in huih sa mahmah hi ding hi.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

Paunak 12:13

Migilote’ in a zuaugenna uh awkpih a, thuman mite, buaina tawh kipelh hi.

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

Late 132:16

Ka hotkhiatna thu, a siampite ka taangko sak ding a, a mi siangthote lungdamin la sa-in awng ding uh hi.

1 JOHAN MASA 1:4

Note lungdamna a kicin’ nadingin hih thute ka hong gelh uh hi.

Thukhente 20:41

Tua ciangin Israel mite hong kilehhei uh a, Benjamin mite lungkia uh hi; bang hang hiam cih leh amau’ siat nading a naina thei uh hi.

Paunak 22:5

Migilote’ lampi-ah thang kisiahin so kidawh a, mipilte in tua lampi pelh uh hi.

Paunak 10:28

Mihoihte’ lametna in lungdamna hi a, migilote’ lametna in a hawmpi hi.