Paunak 29:4 - Tedim Bible

⁴ Thuman-a a gamta kumpi in a gam kipsak a, sum bek a ngaihsun kumpipa in a gam siasak hi.

Tedim Bible Revision 2017

⁴ Thumanin a gamta kumpi in a gam kipsak a, sum bek a ngaihsun kumpi in a gam siasak hi.

Paunak 29:4 Referans Kwoze

Paunak 29:14

Kumpipa in mizawngte’ thu a manin khensak leh, a ukna kip tawntung ding hi.

Micah 7:3

A sia lam-a gamtat ding siam mahmah uh a, uliante leh thukhente in sumgolh ngenin, mi liante in amau’ deih teng pulak uh a, kipawlin vaihawm khawm uh hi.

Daniel 11:20

“Tua ciangin kumpi dang khat in ama nung hong zuikik leuleu ding a, kumpi gamsung khantoh nadingin phiangsiah tampi a dong dingin mi khat a sawl ding hi. Tawlno khat khit ciangin tua kumpipa kithat lum ding a, ahih hangin gal sunga si ahi kei ding hi.

Paunak 20:8

Thukhenna tokhom tungah a tu kumpipa in, a mit-in a etna tawh a hoih lote khenkhia thei hi.

Isaiah 49:8

Topa in ama mite kiangah, “Note hotkhiat ding hun a tun ciangin maipha kong pia ding a, huhna nong ngetna uh kong pia ding hi. Note hong kemin kong hu ding a, note tung tawnin mi khempeuh tawh thuciamna ka bawl ding hi. A kinusia na gam puahpha in a sung uhah, note a luah dingin kong teengsak kik ding hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Paunak 16:12

Thuman-a gamtatna bek in kumpi kipsak ahih manin, asia-a gamtat ding kumpite ut lo uh hi.

Paunak 8:15

Kumpite in a gam mite a uk nading, mi ukte in ngeina maan a zat theih nadingin ka huh hi.

Late 99:4

Thutang a deih, Vanglian Kumpipa aw, nangmah in thuman na phut khin a, Jakob’ sungah thutang leh thuman na semkhia hi.

Late 89:14

Thumanna leh thutan’na tawh na kumpi gam na phut a, itna kip leh thumanna tawh na khempeuh na sem hi.

2 KHANG TANGTHU NIHNATE 9:8

Na tungah lungkimin Topa na Pasian adingin kumpi-in a kumpi tokhom tungah nang hong tusak Topa na Pasian in thupha ngah ta hen! Na Pasian in Israel itin a tawntungin amaute kipsak ding ahih manin, nangmah in thutang leh thuman na sepkhiat theih nadingin amaute tungah kumpi-in nang hong koih hi,” a ci hi.

1 KUMPI MASATE 2:12

Tua ahih ciangin a pa David’ tokhom tungah Solomon tu hi; ama kumpi gam kip takin kiphut hi.

2 SAMUEL NIHNA 8:15

Tua ahih ciangin David in Israelte khempeuh uk hi; David in a mite khempeuh tungah thutang leh thuman zang hi.

1 SAMUEL MASA 13:13

Tua ciangin Samuel in Saul kiangah, “Na hai gamtat hi; amah in nang hong thupiak ahi Topa na Pasian’ hong thupiakna na zui kei hi; bang hang hiam cih leh tu-in Topa in Israelte tungah kumpi dingin nang leh na suan na khakte a kipsak suak ding ahi hi.

JOB (Job) 11:6

Pilna nam tampi a omna thu, mihingte’ theih zawh loh thuthuk a omna thu hong gen ding hi. Na mawhna zahin Pasian in hong daantah lohna thu thei in.

Paunak 14:34

Thumanna in minam minthangsak a, mawhna in minam mindaisak hi.

Paunak 16:10

Kumpipa in thuman gen a, thu a khen ciangin khial ngei lo ding hi.