Paunak 29:2 - Tedim Bible

² Midikte in gam a uk ciangin gam mite lungdam a, migilote in a uk ciangin a gam mite thuum uh hi.

Tedim Bible Revision 2017

² Midikte in gam a uk ciangin gam mite lungdam uh a, migilote in a uk ciangin a gam mite thum uh hi.

Paunak 29:2 Referans Kwoze

Paunak 28:12

Mihoihte in vangliatna a ngah ciangin, mi khempeuh lungdam uh a, migilote a liat ciangin, adangte in gimna thuak uh hi.

Paunak 11:10

Midikte a tuahphat ciangin khua sungah lungdamna om a, migilote a sih ciangin zong khua sungah lungdamin kikona om hi.

Paunak 28:28

Migilote a liat ciangin midangte bucip uh a, amaute a za kiat ciangin midikte in uk kik ding hi.

Esther 8:15

Tua ciangin kumpi puansan leh a kang silhin, kham tawh kibawl kumpi lukhu lianpi khu-in, saihadial puan neel leh puansan silhsa-in kumpipa’ omna panin Mordekai paikhia hi; tua ciangin Susa khuapi sunga mi khempeuh lungdamin awng uh hi.

Thuhilh-sia 10:5

Hih leitungah a thuman lo, gam-ukte’ pian’sak ka muhte in:

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Esther 3:15

Kumpipa’ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawmkhia ahi hi. Kumpipa leh Haman zu ne-in om uh a, ahi zongin Susa khuapi sung buai mahmah hi.

Mattiu 2:16

Herod kumpipa in mi pilte’ khemna a theih ciangin a thangpai mahmah a, mite sawl a, mipilte kiangah a tel taka a dot hun tawh kizui-in Bethlehem khua-a kipan khua kimah a om kum nih nuaisiah pasalno khempeuh a thatsak hi.

Mattiu 2:3

Herod kumpipa in tua thu a zak ciangin Jerusalem khuami khempeuh tawh a lunghimawh uh hi.

JOB (Job) 34:30

Migilote hong uksak ta leh zong, tua panin suahtak nading kuamah in vaihawm zo lo ding hi.

Paunak 28:15

Mizawngte a uk migilopa in humpinelkai gilkial, leh vompi halungvei tawh kibang hi.

Thuhilh-sia 10:6

Mihaite, za lianpi kipia a, mihaute kiniam koih suk hi.

Thuhilh-sia 4:1

Leitungah thuman lo-a a kigamtatnate khempeuh ka ngaihsun kik leuleu hi. Nenniamna a thuak mite kap uh a, ahi zongin kuamah in amaute hehnem lo hi. A nengniam mite thahat lua uh ahih manin kuamah in thuk ngam lo hi.