Paunak 29:12 - Tedim Bible

¹² Kumpipa in zuauthu saang-in na sem leh, a nuai-a ulian khempeuh zong zuau genin nitum ding hi.

Tedim Bible Revision 2017

¹² Kumpipa in zuau thu saangin na sem leh a nuai-a ulian khempeuh zong zuau genin ni tum ding uh hi.

Paunak 29:12 Referans Kwoze

Paunak 20:8

Thukhenna tokhom tungah a tu kumpipa in, a mit-in a etna tawh a hoih lote khenkhia thei hi.

Paunak 25:23

Leilu lam huih in guah a zuksak bangin gensiatna in hehna piangsak hi.

1 KUMPI MASATE 12:14

khangnote’ ngaihsut piakna tawh kizui-in amaute kiangah thugen a, “Ka pa in note’ hakkol giksak hi; ahih hangin keimah in na hakkol uh ka behlap ding hi; ka pa in ciang tawh note hong thuhilh hi; ahih hangin keimah in ciang lingnei tawh note kong thuhilh ding hi,” a ci hi.

2 KUMPI NIHNATE 21:9

Ahih hangin amaute in thu ngai lo a, Topa in Israel mite’ mai-ah a suksiat minamte’ gamtatna sangin a siazaw a gamtat nadingun Manasseh in amaute zol hi.

Jeremiah 37:2

Ahih hangin amahmah a, kipan a nasemte leh a gamsung mite in kamsangpa Jeremiah’ tung tawna Topa’ thugennate a ngai kei uh hi.

Piancilna 39:19

“Nasempa in kei hong bawlna dan hih bang hi,” ci-in a zi in ama' kianga a genna a topa in a zak ciangin nak heh mahmah hi.

1 SAMUEL MASA 18:22

Saul in a nasemte thupia a, “David kiangah thu tuam genpih un la, ‘En in, nang tungah kumpipa lungkim a, ama nasemte khempeuh in nang hong it hi; tua ahih ciangin tu-in kumpipa’ makpa suak in,’ ci un,” a ci hi.