Paunak 29:1 - Tedim Bible

¹ Kihilhhilh napi-a a mang nuam lote, bawl phatkik zawh nawn loh dongin kisia ding hi.

Tedim Bible Revision 2017

¹ Kihilh napi-in a mang nuam lote bawl phat zawh nawn loh dongin kisia ding uh hi.

Paunak 29:1 Referans Kwoze

Paunak 6:15

Tua ahih manin theihkholh lohin ama tungah lungkhamna tung ding a, bawlkik zawh nawn loh dongin siatna ngah ding hi.

1 SAMUEL MASA 2:25

Mi khat in mi dang khat tungah a khialh leh ama adingin Pasian in pa-lai sem ding hi; ahih hangin mi khat Topa tungah khial leh ama adingin kua in va thuumsak ding ahi hiam?” a ci hi. Ahih hangin amaute in a pa’ thu ngai lo uh hi; bang hang hiam cih leh tua in amaute a thah nadingin Topa deihna ahi hi.

Paunak 28:18

Thuman-a gamta mite lung muangin om ding uh a, a zuautat mite ahih leh puk ding uh hi.

Johan 13:18

Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.

Johan 13:26

Zeisu in, “Ama ading khomun kam khat ka diah khit ciangin ka piakpa ahi hi,” a cih khit ciangin, khomun kamkhat diah a, Simon’ tapa Judas Iskariot a pia hi.

Sawltak 1:25

Judas in ama omna phualah pai dingin thuhilh-za leh sawltak-za pan tawp kik a, tua za a ngah dingin hih mi nih lakah na teel penpen hong lak in,” ci-in thu a nget khit uh ciangin lai-ai a san uh a,

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Sawltak 1:18

(Tua pa in a gilohna thaman tawh lo khat a lei khit ciangin, a bungbu-in kia a, a gilpi kitamin a gil khempeuh a buakhia hi.

Nehemiah 9:29

Tua hi a, na thukham lamah amaute hong kihei kik nading lim takin amaute na hilhkhol a, ahi zongin amaute kihisakin na thupiaknate don lo uh hi; a zuite tungah nuntakna a pia thei ahi na ngeina kip tungah amaute khial uh hi. Lung khauhin phengphi-in amaute kiheikhia uh a, thu mang nuam lo uh hi.

2 KHANG TANGTHU NIHNATE 36:13

Pasian tawh a kiciamsak Kumpi Nebukhadnezzar zong amah in lehdo hi; Israel Pasian, Topa’ kiang zuan kik nuam lo a, zong kisik nuam loin a lung khauhsak hi.

2 KHANG TANGTHU NIHNATE 33:10

Topa in Manasseh tung leh ama mite tungah thu gen a, ahih hangin amaute in don lo uh hi.

1 KUMPI MASATE 22:28

Tua ciangin Mikaiah in, “Lungnuam takin nong ciahkik leh Topa in kei tung tawnin thu hong gen lo ahi hi,” a ci hi. Tua ciangin amah in, “No mi khempeuhte aw hih ka thugen za un,” ci thuah lai hi.

1 KUMPI MASATE 18:18

Amah in dawngin, “Keimah in Israel mite ka lungkhamsak kei hi; nang in Topa’ thupiaknate nusia-in Baalte zui na hih manin nang leh na pa’ innkuan in na lungkhamsak uh hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 SAMUEL MASA 2:34

Na tapa nihte, Hofni leh Finehas tungah hong tung ding hih thu in nang adingin lim hi ding hi: amaute gel a ni kikhatin si ding uh hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Hong mang loin ka hilhna a theih loh nadingun a lung uh a khauhsak uh hi.

Isaiah 48:4

Note pen paupeng-in, na ngawng uh sik thagui bang hi-in, na taltang uh sumngo banga sak a hihna thei ka hih manin,

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

1 KUMPI MASATE 20:42

Tua ciangin amah in ama kiangah, “Topa in hih bangin ci hi: ‘Suksiat dinga ka sehsa mipa paikhiasak na hih ciangin ama nuntakna taangin nangma nuntakna, ama mite’ taangin nangma mite pai ding hi,” ci hi,” a ci hi.

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

Paunak 28:28

Migilote a liat ciangin midangte bucip uh a, amaute a za kiat ciangin midikte in uk kik ding hi.

Jeremiah 36:31

Amah leh a suan a khakte leh a nasemte a mawhna uh hangin ka daantat ding a, amau’ tung leh Jerusalem khua-a teengte’ tunga kipan Judah mite’ tungah tun’sak dinga ka gensa gimna khempeuh ka tungsak ding hi. Bang hang hiam cih leh amaute in ka thu hong ngai lo uh hi,’ ci-in va gen in,” ci-in Jeremiah a sawl hi.

Habakkuk 2:7

Note in na phawk ma-un, no mahmah leiba neite na suak ding uh a, na leiba uh a meet hong kisungsak ding hi. Galte in note hong liingsak keuhkeuh ding a, na nate uh hong laksak mang khin ding hi.

Paikhiatna 9:7

Faro in a en dingin mi sawl hi, en in, Israel’ ganhing khat zong si lo hi. Ahih hangin Faro’ lungsim khauh lai a, amah in mite paisak lo hi.

Paunak 28:14

Topa a zahtak tawntung mipa in mi nuamsa hi a, a lung khauh mipa in lungkhamna tuak ding hi.

Isaiah 28:22

Tua ahih ciangin tu-in, note hong kikhihna, a to-in kibawl kha ding ahih manin thusim loin om kei un; bang hang hiam cih leh Vanglianpen Topa Pasian tung panin gam buppi-ah siat nading thukhenna ka za khin hi.

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.