Paunak 28:9 - Tedim Bible

⁹ Mi khat in thukham a zuih nop kei leh, ama thungetna nangawn Pasian in zak thadahhuai sa hi.

Tedim Bible Revision 2017

⁹ Mi khat in thukham a zuih nop kei leh ama thungetna nangawn Pasian in zakthadah huai sa hi.

Paunak 28:9 Referans Kwoze

Late 66:18

Ka lung sungah mawhna kem leng, Topa in ka thu hong ngai lo ding hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Late 109:7

Amah thu a kisit ciangin, thu lelin pusuak sak in la, ama thungetnate zong mawhna suak sak in.

Paunak 21:13

Mizawngte’ huh ngetna a pia nuam lote pen, amau zong cimawhin huhna a nget ciangun kipia lo ding hi.

Johan 9:31

Pasian in mawhneite’ thu ngai lo hi ci-in eite i thei hi. Pasian zahtaka ama deihna a zui mite thu Pasian in a ngai hi.

Paunak 10:3

Topa in mihoihte a gil kialin koih lo a, migilote a duh uh ne sak lo hi.

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Isaiah 41:24

En un, note, bangmah na hi kei uh a, na nasepnate uh a mawkna ahi hi; note hong teelpa in a etsathuai ahi hi.

Late 94:20

Sih nadinga ngeina a bawl, a gilo gam ukte, nang tawh kipawl thei ding ahi hiam?

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.