Paunak 28:5 - Tedim Bible

⁵ Mi sia-huaite in thutang cih mel thei lo uh a, Topa a biate in ahih leh a kicingin thei uh hi.

Tedim Bible Revision 2017

⁵ Mi siahuaite in thutang cih mel thei lo uh a, Topa a biate in ahihleh a kicingin a thei uh hi.

Paunak 28:5 Referans Kwoze

1 JOHAN MASA 2:27

Note na hih uh leh, ama khut pan na ngah uh Kha Siangtho sathau nilhna in note sungah kipin a om a, kuamah in note thu hong hilh ding na kisam kei uh hi. Ama’ Kha Siangtho sathau nilhna in note na khempeuh hong hilh a, tua Kha Siangtho sathau nilhna in thuman thutak hi a, thuzuau hi lo ahih ciangin note hong hilh mah bangin ama sungah kipin na om un.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

1 JOHAN MASA 2:20

Note in Siangtho Pa’ Kha Siangtho sathau nilhsa na hi uh a, na khempeuh na thei uh hi.

Late 92:6

Migilote lopa bangin selkhia-in, siatna bawl khempeuh a pun’ hangin, amaute pen a tawntungin siatna a thuak ding ahi uh hi; ahih hangin, Topa aw, nang pen asangna-ah a om tawntung na hihna thu, lungsim mawl mi in theithei lo a, lungsim tei lo mi in tel thei lo hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Paunak 24:7

Pil kampauna in mihaite’ theih zawh dingin thuk lua a, mihon lakah mihaite in thu gen ngam lo uh hi.

Paunak 15:24

Mipilte in nuntakna lampi zuito uh a, sihna lampi zuisuk lo uh hi.

Late 119:100

Khanghamte sangin thu ka tel zaw hi, bang hang hiam cih leh na thuhilhte ka zui hi.

Late 25:14

Topa tawh kilawmtatna in amah a zahtakte’ ading hi a, a thuciamna amau tungah kitheithang sak hi.

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.

Paunak 2:9

Tua hi leh thuman leh thutang, ahoih leh a kilawm na thei ding hi.

Isaiah 6:9

Tua ciangin amah in, “Pai in la, hih mite tungah hih bangin ci in: ‘Za za napi, tel lo; mu mu napi, thei lo,

Isaiah 44:18

Amaute in bangmah thei lo, amaute in bangmah khentel thei lo uh hi; bang hang hiam cih leh amaute in bangmah a muh loh nadingun amah in a mit uh humsakin, bangmah a theih loh nadingun a lungsim uh khaksak hi.

Late 119:98

Na thupiakna in ka langte khempeuh sangin a pilzaw-in kei hong bawl hi; bang hang hiam cih leh tua in kei tawh omkhawm tawntung hi.

Isaiah 1:3

Bawng in amah a neipa thei a, la in ama topa’ an piakna mun thei buang hi; ahih hangin Israel in thei lo hi, keima mite in thei-thei lo hi,”

Amos 3:10

Topa in hih bangin ci hi: Hih mite in a manin gamtat ding thei lo uh a, giloin mi’ na a suh uh vante tawh, a inn lianpipite uh kidimsak uh hi.