Paunak 28:27 - Tedim Bible

²⁷ Mizawng a huhte cimawh ngei lo ding a, huhna a pia nuam lote in samsiatna ngah ding hi.

Tedim Bible Revision 2017

²⁷ Mizawng a huhte cimawh ngei lo dinga, huhna a pia nuam lote in samsiatna ngah ding hi.

Paunak 28:27 Referans Kwoze

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Paunak 11:24

Mi pawlkhat in sum zang ziahziah napi-in hau semsem a, mi pawlkhat in cil mahmah napi, zawng semsem hi.

Thu-hilhkikna 15:7

Topa na Pasian un note hong piak gam sunga na khuate uh khatpeuh peuh sungah na sanggam khat uh note lakah a zawng a om leh na lungsim uh khauhsak loin, na sanggam zawngpa uh huh loin na om kei ding uh hi,

Thu-hilhkikna 15:10

Citna tawh amah na pia ding a, amah na piak ciangin lunghianna na nei kei ding hi; Topa na Pasian in na sepna na hihna khempeuh hih thu hangin nang thupha hong pia ding hi.

Paunak 22:9

A cingh mite in mizawngte an pia a, amah in thupha ngah kik hi.

Paunak 11:26

An man khan’ ding ngakna-in a zuak nuam lote kisamsia a, lei nop hun-a a zuak pahte kiphat hi.

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Isaiah 1:15

Thu ngenin na khutte uh nong zaak uh ciangin note kiang pan ka mai ka seel ding a, thu tampi na nget uh hangin, ke’n ka ngai tuan kei ding hi; bang hang hiam cih leh note’ khut in sisan tawh kidim hi.

Paunak 24:24

Mimawh kim lai a diksak thukhenpa, leitunga mi khempeuh in mudahin phuisam ding hi.

Paunak 28:28

Migilote a liat ciangin midangte bucip uh a, amaute a za kiat ciangin midikte in uk kik ding hi.

Paunak 11:25

A cingh mite hau semsem ding a, midang a huhte in huhna mah ngah kik ding hi.