Paunak 28:17 - Tedim Bible

¹⁷ Mi that-a a khialpa in, ama hankhuk ding a to hi a, a hankhuk tawh ding kho kei in.

Tedim Bible Revision 2017

¹⁷ Mi thatin a khial pa in ama hankhuk ding a to ahi hi. Ama hankhuk tawh kho kei in.

Paunak 28:17 Referans Kwoze

Piancilna 9:6

Mi a that peuhmahte pen, midangte in amah that ding hi; bang hang hiam cih leh Pasian in ama' lim bangin mi bawl hi.

1 KUMPI MASATE 21:19

Nangmah in ama kiangah, ‘Topa in hih bangin ci hi; “That khinin, zong luah khin na hi hiam?” ci hi,’ na ci ding hi. Tua ciangin ama kiangah, ‘Topa in hih bangin ci hi: “Uite in Naboth’ sisan a liahna munah uite in nangma sisan liak ding uh hi,” ci hi,’ ci-in gen in,” a ci hi.

Paikhiatna 21:14

Ahih hangin mi khat in zuauna tawh mi dang khat thah ding tumin a hih leh, amah na thah theih nadingun note in ka biakna tau nangawn panin amah na la teitei ding uh hi.

Sawltak 28:4

Tua gam mite in gul in a khutah a om a muh uh ciangin, “Hih pa in mi thatpa ahi takpi zo hi. Tuipi launa pan a suahtak hangin a hin’ nadingin thuman in thu a pia kei hi,” ci-in khat leh khat a kici uh hi.

2 KUMPI NIHNATE 9:26

‘Zan ni-in Naboth leh a tapate a kithahna ka muh taktak mah bangin—Topa in ci hi—leitang tung hih munah nang kong thuk ding hi,’ a ci hi. Tua ahih ciangin tu-in Topa’ thugen bangin amah tawmin tua mun leitang tungah paai in,” a ci hi.

1 KUMPI MASATE 21:23

Jezebel’ thu zong Topa in genin, ‘Uite in Jezre-el huam sungah Jezebel ne ding uh hi,’ ci hi.

Paunak 6:17

kihihsakna, zuauthu genna, mawhnei lo mi thahna,

Jeremiah 41:15

Ahih hangin Nethaniah’ tapa Ishmael leh mihing giat Johanan’ khut sung panin a suakta uh a, Ammon gamah a tai uh hi.

Piancilna 4:12

Lo na khawh ciangin leitang in nang’ adingin an hong piangsak nawn lo ding hi; nang pen a galtai, leitunga a vakvai na hi ding hi,” ci hi.

Thu-hilhkikna 19:11

“Ahih hangin mi khat in a vengpa mudahin, amah pang sim a, amah satin liam sakin a sihsak a, tua mipa hih khuapi khatpeuh peuh ah a tai leh,

2 SAMUEL NIHNA 13:34

Ahih hangin Absalom tai hi. Tua ciangin galvil tangvalpa in a lu sang sakin khuadak a, en in, mual pang nai Horonaim lampi panin mi tampi hong pai hi.

2 SAMUEL NIHNA 18:15

Tua ciangin Joab’ galhiam tawite tangval sawm in Absalom umcih uh a, amah satin that uh hi.

1 KUMPI MASATE 2:29

Kumpi Solomon kiangah, “Topa’ puanbuk ah Joab tai hi, en in, amah biakna tau gei-ah om hi,” ci-in a kigen ciangin Solomon in Jehoiada’ tapa Benaiah sawlin, “Pai in, amah satpuk suk in,” a ci hi.