Paunak 28:16 - Tedim Bible

¹⁶ Ngaihsut siamna a nei lo gam ukpa in a gilo kumpi hi ding a, thuman lo-a ngahna a deih lo mipa in sau veipi uk ding hi.

Tedim Bible Revision 2017

¹⁶ Ngaihsut siamna a nei lo gam ukpa a gilo kumpi hi dinga, thuman tawh ngah ding bek a deih mipa in sau veipi uk ding hi.

Paunak 28:16 Referans Kwoze

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi leh sumgolh a mudah mi, misiamte na teelkhia ding hi; tua bang mite pen mi a tul, a za, a sawmnga, a sawmte' tungah a uk dingin na koih ding hi.

Isaiah 3:12

Keima mite ahih leh—khangnote in bawlsia uh a, numeite in zong uk uh hi. Ka mite aw, na makaite un note lam hong lak khial a, note’ lampi zuih pen hong siasak hi.

Thuhilh-sia 4:1

Leitungah thuman lo-a a kigamtatnate khempeuh ka ngaihsun kik leuleu hi. Nenniamna a thuak mite kap uh a, ahi zongin kuamah in amaute hehnem lo hi. A nengniam mite thahat lua uh ahih manin kuamah in thuk ngam lo hi.

Nehemiah 5:15

Keima hun ma-in a ukte in mite tungah vangikpi suan uh a, amaute tung panin ni simin an leh lenggahzu ngun shekel sawmli man la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

1 KUMPI MASATE 12:14

khangnote’ ngaihsut piakna tawh kizui-in amaute kiangah thugen a, “Ka pa in note’ hakkol giksak hi; ahih hangin keimah in na hakkol uh ka behlap ding hi; ka pa in ciang tawh note hong thuhilh hi; ahih hangin keimah in ciang lingnei tawh note kong thuhilh ding hi,” a ci hi.

1 KUMPI MASATE 12:10

Tua ciangin amah tawh a khang khawm khangnote in ama kiangah, “Nangma kiangah, ‘Na pa in ka hakkol uh a gikin bawl hi, ahih hangin kote adingin hong zangsak in,’ hong ci hih mite kiangah hih bangin na gen ding hi; amaute kiangah, ‘Ka khutmeno in ka pa’ kawng sangin gol zaw hi.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Thuhilh-sia 10:16

A kumpipa mite’ cih bang bangin gamta lel a, zan khuavakin zu ne makai a nei, gam khatpeuh in lungkhamna thuak hi.

Paunak 15:27

A man lo-a sum ngahna in innsung lungkham sak a, sumgolh a deih lote a nuntak sauvei nuam hi.