Paunak 28:14 - Tedim Bible

¹⁴ Topa a zahtak tawntung mipa in mi nuamsa hi a, a lung khauh mipa in lungkhamna tuak ding hi.

Tedim Bible Revision 2017

¹⁴ Topa a zahtak tawntungte pen mi nuamsa hi a, a lungkhauh mite in lungkhamna tuak ding uh hi.

Paunak 28:14 Referans Kwoze

Paunak 23:17

Mawhnei mite eng kha kei in la, Topa na zahtakna zom paisuak in.

Late 2:11

Launa tawh Topa’ na sem un la, liin’na tawh lungdamin, a khe nam un; tua hi kei leh amah sinso-in, lam kal-ah na sia-mang ding uh hi; bang hang hiam cih leh ama hehna kitawhkuang pak hi. Amah a bel khempeuh mi nuamsate ahi hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

Jeremiah 32:40

Amaute’ tungah a tawntungin hoihna ka bawl det nadingin amaute tawh tawntung thuciamna khat ka bawl ding hi. Kei’ kiang panin a kiheikhiat loh nadingun amaute’ sungah kei hong zahtakna lungsim ka koih ding hi.

ROM (Romans) 11:20

Hi ta hen. Upna lungsim nei lo ahih ciangun amaute a kitan uh a, nangmah in na upna hang bekin na kip hi. Na kisathei kei in, na kihta in.

Hebru 4:1

Tua ahih ciangin Pasian’ nopsakna sungah tum zawh nading thu hong kiciamna in eite ading a om lai napi-in, note lakah khat peuhmah in a phak zawh loh khak ding lung hihmawhhuai hi.

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Late 112:1

Topa phat un. Topa zahtak-in ama thupiaknate nuam a sa mahmah mi in thupha ngahpa ahi hi!

Late 95:8

Amaute in ka nasepna mu khin napi, Meribah leh Massah mun-ah na pate un kei hong ze-etin, gamtatna tawh ka lah ding hong kalh hun lai bangin, note in na lungsim uh khauhsak kei un.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

Late 16:8

Topa ka mai-ngat tawntung a, amah in ka taklam-ah om ahih manin ka kiling kei ding hi.

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

Paikhiatna 7:22

Ahih hangin Izipt mitphial siamte in amau’ siamna tawh tua bangmah bawl thei uh hi; tua ahih ciangin Faro’ lungsim a khauh ngei mahin khauh a, Topa’ gensa bangin amah in amaute’ thu ngai lo hi.

Paikhiatna 14:23

Izipt mite ahi, Faro’ sakolte khempeuh, ama' leengte, leh ama' sakol tuangte in delh in tuipi laizang amaute' nungah pai uh hi.

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

Paikhiatna 7:23

Faro kihei-in a inn sungah pai a, amah in a lungsim nangawnah tua thu ngaihsutin nei nawn lo hi.

Thuhilh-sia 8:12

Mawhnei khat in zavei dong siatna bawl napi-in, a khan’ sau veve hi. Ahi zongin, “Pasian a zahtakte adingin, thu khempeuh nuam ding hi.