Paunak 28:13 - Tedim Bible

¹³ A khialhna a im mipa a dau pai lo ding a, a mawhna pulakin a kikheel mipa in hehpihna ngah ding hi.

Tedim Bible Revision 2017

¹³ A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Paunak 28:13 Referans Kwoze

JOB (Job) 31:33

Midangte in a mawhna uh iim a, ahih hangin kei aa ka iim ngei kei hi.

JOB (Job) 33:27

Tua ciangin amah in mihonpite’ zakin, ‘Kei ka khial khin hi. A manin ka gamta kei a, ahi zongin Pasian in hong suaktasak hi.

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Piancilna 4:9

Tua ciangin Topa in Kain tungah, “Na sanggampa Abel koi-ah om ahi hiam?” ci hi. Amah in, “Ka thei kei hi; keimah in ka sanggam a kempa ka hi hiam?” ci hi.

Paunak 10:12

Muhdahna in kitotna piang sak a, itna in mawhna khempeuh maisak hi.

1 SAMUEL MASA 15:30

Tua ciangin amah in, “Ka khial khin hi; ahi zongin tu-in keima mi upate mai leh Israelte mai-ah kei hong pahtawi in la, Topa na Pasian ka biak theih nadingin kei tawh hong kileh kik in,” a ci hi.

1 SAMUEL MASA 15:24

Tua ciangin Saul in Samuel kiangah, “Ka khial khin hi; bang hang hiam cih leh keimah in mite kihta-in amau’ aw ngai ka hih manin Topa’ thupiakna leh nangma thute ka palsat khin hi.

Paunak 17:9

Mi’ khialhna a maisakte, midangte in it-in lawm hau uh a, mi’ khialhna ciamtehna in lawm taanna hi.

1 SAMUEL MASA 15:13

Tua ciangin Saul kiangah Samuel hong pai a, Saul in ama kiangah, “Topa’ thupha na tungah hong tung hen; Topa’ thupiakna ka sem khin hi,” a ci hi.

Siampi Laibu 5:5

Hihte khatpeuh peuhah mi khat a mawh ciangin, amah in a gamtatnasa a khialhna pulak ding a,

2 SAMUEL NIHNA 12:13

David in Nathan kiangah, “Topa tungah ka khial khin hi,” a ci hi. Tua ciangin Nathan in David kiangah, “Topa in zong na khialhna koihkhia zo hi; nang na si kei ding hi.

2 SAMUEL NIHNA 14:32

Absalom in Joab dawngin, “En in, nang kiangah thu kong puak a, ‘Kumpipa kiangah nang hong sawlin, “Bang hangin Geshur panin hong pai ka hi hiam? Tua lai-ah om lai leng kei adingin hoihzaw ding hi,” ci-in a va dong dingin hih lai-ah nong pai nading kong gen hi. Tua ahih ciangin tu-in kumpipa omna-ah kei hong paisak in; kei tungah mawhna a om leh amah hong that sak in,’ ka ci hi.” a ci hi.

Ezra 10:11

Tua ahih ciangin tu-in na pu na pate uh Pasian ahi Topa tungah na mawhna uh pulak un la, ama deihna bangin gamta-in hih gam-a teeng gamdang mite leh gamdang mi ahi na zite uh tawh kikhenin tuam om un,” a ci hi.

Nehemiah 9:2

Tua hi a, gamdang mi khempeuh panin Israel mite tuam om uh a, amaute in din’sa-in amau’ khialhnate leh a pu a pate uh mawhnate pulak uh hi.

Jeremiah 2:35

nangmah in, ‘Kei ka mawh kei hi; kei tungah Pasian heh nawnlo taktak hi,’ na ci hi. En in, ‘Kei ka mawh kei hi,’ na cih manin nang’ tungah thu kong khen ding hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Thukhente 10:15

Israel mite in Topa tungah, “Ka khial khin uh hi; hoih na sak bangbangin ko tungah hong hih in; tu ni-in hong honkhia in, kong thuum uh hi,” a ci uh hi.

2 KUMPI NIHNATE 20:15

Amah in, “Amaute in na inn sungah bang mu ahi uh hiam?” a ci hi. Tua ciangin Hezekiah in dawngin, “Amaute in ka inn sunga om khempeuh mu uh hi; ka vankoihna inn sungte panin amaute ka lah loh bangmah om lo hi,” a ci hi.

2 KHANG TANGTHU NIHNATE 6:26

“Amaute nangma tungah hong khialhna hangin vantung kikhakcipin guah a zuk loh hun, amaute na gimsak hun ciangin, amaute in hih mun lam nga-in thu ngen a, na min hong phawkin amau’ khialhna panin a kihei uh leh,

Ezra 10:2

Tua ciangin Elam-te beh sung panin Jehiel’ tapa Shekaniah hong pau-in Ezra kiangah, “Hih gam-a teng gamdang numeite ten’pihna tawh i Pasian’ tungah i khial hi. Ahi ta zongin Israel mite’ adingin lametna om lai hi.

JOB (Job) 34:31

“Job aw, Pasian tungah na khialhnate pulakin, na khialh nawn loh nading thu ciam nai na hi hiam?

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Jonah 3:10

Pasian in amau’ hihnate mu a, a khialhnate uh panin a kihei uh a muh ciangin kisik kik a, amaute tungah hih dinga a cihsa siatna a tungsak nawn kei hi.