Paunak 28:12 - Tedim Bible

¹² Mihoihte in vangliatna a ngah ciangin, mi khempeuh lungdam uh a, migilote a liat ciangin, adangte in gimna thuak uh hi.

Tedim Bible Revision 2017

¹² Mihoihte in vangliatna a ngah ciangin mi khempeuh lungdam uh a, migilote a liat ciangin a dangte in gimna thuak uh hi.

Paunak 28:12 Referans Kwoze

Paunak 29:2

Midikte in gam a uk ciangin gam mite lungdam a, migilote in a uk ciangin a gam mite thuum uh hi.

Paunak 11:10

Midikte a tuahphat ciangin khua sungah lungdamna om a, migilote a sih ciangin zong khua sungah lungdamin kikona om hi.

Paunak 28:28

Migilote a liat ciangin midangte bucip uh a, amaute a za kiat ciangin midikte in uk kik ding hi.

Jeremiah 36:26

Tua ciangin kumpipa in kumpipa’ tapa Jerahme-el tawh, Azriel’ tapa Seraiah tapa, Abde-el’ tapa Shelemiah tawh a sawl a, kumpi thuvanpipa Baruk leh kamsangpa Jeremiah man dingin thu a pia hi. Ahih hangin Topa in amau tegel a seel sim hi.

Jeremiah 5:1

Jerusalem khua sungah kileh kawikawi un. Khuadak un la, en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khua a mawhna ka maisak ding hi.

Thuhilh-sia 10:16

A kumpipa mite’ cih bang bangin gamta lel a, zan khuavakin zu ne makai a nei, gam khatpeuh in lungkhamna thuak hi.

2 KHANG TANGTHU NIHNATE 7:10

A kha sagihna a ni sawmnih leh ni thum ni-in, Topa in David leh Solomon leh ama mi Israel tungah a hoih a bawlna hangin amah in lungdamna leh kipahna tawh a inn uhah mite ciah khia sak hi.

1 KUMPI MASATE 19:3

Tua ciangin amah lau a, ding-in a suahtak nadingin pai a, Judahte’ khua Be-ersheba tungin tua lai-ah a nasempa nusia hi.

1 KUMPI MASATE 18:13

Jezebel in Topa’ kamsangte a thah lai-in Topa’ kamsangte mi zakhat, sawmnga sawmnga-in leihawm sungah seelin, amaute an leh tui tawh ka vaakna thu ka topa tungah hong kigen nai lo ahi hiam?

1 SAMUEL MASA 24:11

En in, ka pa aw, ka khut sunga na puantualpi mong en in; kei tungah khialhna ahi a, kumpi dona ahi zongin a om lohna, na puantualpi mong at khia napi-in nang kong thah lohna thu tawh thei-in na mu ding hi. Kei thah dingin nong zon’ hangin nang tungah ka khial kei hi.

Jeremiah 36:19

Tua ciangin kumpi uliante in Baruk’ kiangah, “Pai in la, nang leh Jeremiah va bu un. Na omna mun-uh kuamah thei sak kei un,” a ci uh hi.