Paunak 28:1 - Tedim Bible

¹ Kuama delh lopi-in migilote taimang a, mi thumante ahih leh humpinelkai bangin hang uh hi.

Tedim Bible Revision 2017

¹ Kuama delh lohpi-in migilote tai mang a, mi thumante ahihleh humpinelkai bangin a hang uh hi.

Paunak 28:1 Referans Kwoze

Thu-hilhkikna 28:7

“Topa in, note langah hong pang na galte uh na mai uhah lelhna thuak sak ding hi; amaute lampi khat tawnin hong kuan ding uh a, note mai panin lam sagih tawnin taikeek ding uh hi.

Late 53:5

Cik mah-a tua bang launa om ngei lo, launa lianpi sungah amaute om uh hi. Bang hang hiam cih leh Pasian in migilote’ guhte thehthang ding hi; Pasian in amaute nial ahih manin, amaute maizumin kikoih ding hi.

Late 112:7

Amah in thusia zak ding lau lo hi; Topa muang a, ama lungsim a kip hi.

1 THESALONIKA MASA 2:2

Note in na theih uh mah bangin kote in Filippi khua-ah zawn’khalna leh bawlsiatnate ka thuak khit uh ciangin, i Pasian suangin nakpi-in nialna tawh Pasian’ Lungdamna Thu nomau kiangah lau loin ka hong hilh uh hi.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Sawltak 14:3

Tua ahih ciangin a sawtpi tua san takah a om uh a, lau loin Topa’ min tawh thu a hilh uh hi. Topa in amaute’ khut tungah lim leh nalamdang bawl dingin thu pia-in, ama hehpihna thu ading teci a pang hi.

Jeremiah 20:4

Bang hang hiam na cih leh Topa in hong cih-inah, ‘En in, keimah in nang leh nang’ lau nadingin ahi zongin na lawmte’ lau nadingin ahi zongin nang kong bawl ding hi. Amaute a galte in namsau tawh a thahlup na mu ding hi. Judah gam khempeuh Babilon kumpipa’ khut sungah ka pia ding a, amah in sal dingin amaute Babilon khua-ah a paipih ding a, namsau tawh a thatlum ding hi.

Siampi Laibu 26:36

Note sung panin galte leitangah a om lai mite tungah lungsim gimna ka tungsak ding hi; nahthel ging in amaute tai sak ding a, namsau mai-ah mi khat a tai bangin amaute tai ding uh a, kuamah in a delh lohpi-in amaute puk ding uh hi.

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

2 KUMPI NIHNATE 7:15

Tua ahih ciangin amaute Jordan ciang dong va pai uh hi; en in, lampi khempeuh Siriate in nawhsa-in a paihkhiat uh puante leh nate tawh paak zeizai hi. Tua ciangin kamtaite hong kikin kumpipa kiangah gen uh hi.

Isaiah 7:2

“Siriate pen Efraim mite tawh kikop,” ci-a David’ innkuante’ tungah a kigen ciangin, huih in gamlak-a singte a mut bangin amah leh a mihingte’ lungsim kiliing hi.

Paikhiatna 11:8

Hih nangma'nasemte khempeuh keima' kiangah hong paisukin, keima' kiangah hong kunsuk ding uh a, ‘Nang leh nangmah hong zui mi khempeuh paikhia un,’ hong ci ding uh hi. Tua khit ciangin kei ka paikhia ding hi,” a ci hi. Faro' kiang panin amah heh mahmahin paikhia hi.

Siampi Laibu 26:17

Keimah in note kong maisiat ding a, na galte uh mai-ah, lelhna na thuak ding uh hi; note hong mudah mite in note hong uk ding a, kuamah in note hong delh lo napi-in na tai ding uh hi.

Nehemiah 6:11

Ahih hangin keimah in, “Kei bang mite tai ding ahi hiam? Kei tawh kibang mite a suahtak nadingin biakinn sungah lut ding ahi hiam? Ka pai peuhmah kei ding hi,” ka ci hi.

Paunak 27:27

Na keelnawite ahih leh, na innkuan an nek ding, leh na nasem numeite nuntak nadingin kicing ding hi.

Isaiah 30:17

Mual sang dawn a, dial khuam bang ahi a, mualtunga dial tawh kibangin ahi zongin, note hong kinusiat dong matengin, mi khat’ tawn’na tawh tulkhat tai-in, mihing nga’ tawn’na tawh note na taimang ding uh hi.

1 KUMPI MASATE 1:49

Tua ciangin Adonijah’ leenglate khempeuh liing uh a, dingin amau’ mun ciatah pai uh hi.

JOB (Job) 15:21

Lau nading awging a bil-ah za ngitnget ding a, lungmuangin a om lai takin gutate in buluh ding hi.

Late 53:6

Zion panin Israelte’ adingin hotkhiatna hong tung ta leh maw! Pasian in ama mite’ nopsakna a piak kik ciangin, Jakob nuamin Israel kipak ding hi.

Paunak 10:9

Thuman mite lungnuamin om hithiat a, thuman lote kiman hi.