Paunak 27:9 - Tedim Bible

⁹ Sathau namtui leh paknamtui in lungnuam sak a, lawmte’ limbawlna in tha hatsak hi.

Tedim Bible Revision 2017

⁹ Sathau namtui le paknamtui in lung nuamsak a, lawmteʼ limbawlna in tha hatsak hi.

Paunak 27:9 Referans Kwoze

Paunak 16:21

Lungsim pilte in thu muhna tawh kam pau uh a, amau’ kam khumna, zaknophuai kisa semsem hi.

Late 23:5

Ka galte omna mai-ah kei’ ading an nong lui hi; ka lu sathau nong nilh a, ka hai a dimlet hi.

Paunak 15:23

A hun mah-a dawn’ pah theihna lungkim huai a, a kilawm kammal tawh dawn’ pah theihna hoihzaw kan hi.

Late 104:15

mihing lungsim a nuamsak ding leenggahzu, a maitang a zolsak ding sathau, mihing lungsim a hatsak ding an na piangsak hi.

Solomon la 4:10

It luat, ka lawm ngaih aw, nang tawh kingaih, nuam mahmah hi. Na itna in leenggahzu sangin khumzaw a, na paknamtui in paknamtui dang khempeuh sangin namtuizaw hi.

Solomon la 3:6

Mirrah paknamtui leh saledi paknamtui kihel tawh a kibang, sumbuk-a paknamtui om khempeuh, a kihal khin a khu tawh a kibang, gamlak a, hong khu to henhan bang ahi hiam?

Johan 12:3

Tua lai takin Mari in tampi a man mard paknamtui thawl khat la a, Zeisu’ khe nuhin a sam tawh a nul hi. Tua paknamtui in inn sung teng a zeel hi.

Late 133:2

Tua in, a puanpi ngawng tunga Aaron’ khamul kaisuk zui-a a taaksuk, a lu tunga sathau manpha tawh kibang hi.

Thukhente 9:9

Ahih hangin oliv kung in amaute kiangah, ‘Keimah in pasiante leh mite a kipahtawina ahi ka thaunate nusia-in singkungte a uk dingin hong pai ding ka hi hiam?’ a ci hi.

Sawltak 28:15

Rom khua-ah a om ute naute in kote paina thu a zak uh ciangin hong dawn ding kimkhatte in Appias Sumbuk dongin, kimkhatte in Mangbuk Thum dongin hong pai uh hi. Paul in tua mite a muh ciangin Pasian’ hehpihna phatin a lungdam uh hi.

Solomon la 1:3

Na omna khempeuh nam vuauvuau a, na min kizaza a, nang hong ngai lo om lo hi.

Paunak 7:17

Mirrah paknamtui, oloes paknamtui leh kinnamon paknamtui tawh, ka lupna tung a namtui dingin ka bawl khin ta hi.

Late 141:5

Mi phapa kei hong vuasak in la, ahih hangin migilopa ka lu sathau nilh sak ngei kei in; bang hang hiam cih leh amau’ gitloh gamtatnate lang pangin thu ka ngenngen hi.

1 KUMPI MASATE 1:12

Tua ahih ciangin tu-in hong pai-in, nangma nuntakna leh na tapa Solomon’ nuntakna na suahtaksak theih nadingin nang tungah ngaihsutna kong pia ding hi.