Paunak 27:24 - Tedim Bible

²⁴ Bang hang hiam cih leh neihsa kip tawngtung lo a, hauhna pen, a khang khangin kizom suak lo hi.

Tedim Bible Revision 2017

²⁴ Bang hang hiam cih leh neihsa kip tawntung lo a, hauhna pen a khangkhangin kizom suak lo hi.

Paunak 27:24 Referans Kwoze

Paunak 23:5

Na ngahsa, sumte, mitphiat kalin bei mang thei a, muvanlai bangin thakhatin lengmang thei hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Jeim 1:10

Sumhau sanggam in kiniamsakna a thuakna ah kilungdamsak thei ta hen. Bang hang hiam na cih uh leh, amah in lopa paak bangin mangthang hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Late 89:36

Ama suan-le-khakte kizom paisuak ding a, van-a ni a taan’lai teng, a kumpigam ka kip sak ding hi.

2 SAMUEL NIHNA 7:16

Na inn leh na kumpigam keima mai-ah a kip tawntungin kibawl ding hi; na kumpi tokhom kip tawntung ding hi,’ ci hi,” a ci hi.

JOB (Job) 19:9

Amah in ka hauhna khempeuh hong lakkhiatsak a, ka min hoih kimlai hong siasak hi.

Late 89:39

Na nasempa tawh na thuciamna na pelh khin a, leivui lakah ama kumpi lukhu na paihsak hi.

Jeremiah 13:18

Kumpipa leh a nu’ kiangah, “Na kumpi tokhomte tung panin hong tuaksuk un, bang hang hiam cih leh na kumpi lukhute uh na lu tung pan-un kiakhin zo hi,” va ci un.

Kah la 5:16

Kisak theih nading bang mah om nawn lo-a, mawh i hih manin gimna i thuak hi.

Ezekiel 21:26

Topa Pasian in hih bangin ci hi: Na kumpi lukhu leh na dial khip la khia in. Nidang bang nawn lo ding hi. Mi neute hong lian ding a, Miliante hong neu ta ding hi.

1 SAMUEL MASA 13:14

Ahih hangin tu-in na ukna kizom suak lo ding hi; Topa in ama lungsim bangin mi khat zong khin hi, Topa in nang hong thupiak zui lo na hih manin ama mite tungah ulian dingin Topa in amah seh khin hi,” a ci hi.

Paunak 23:4

Hauh nop man bekin sum’ sila suak kei in la, a man loin gamta kha kei in.

Thuhilh-sia 5:13

A hoih het lo na khat hih leitungah ka mu hi: mite, amau’ lunggim nadingin hau uh hi.