Paunak 27:22 - Tedim Bible

²² Mihai khat a sih dek dongin na satsat hangin, a hai ngei mah-in hai veve lai ding hi.

Tedim Bible Revision 2017

²² Mihai khat a sih dek dongin na satsat hangin a hai ngei mahin hai veve lai ding hi.

Paunak 27:22 Referans Kwoze

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Paunak 23:35

“Hong vuak hangun ka liam kei a, hong sat hangun ka phawk kei hi. Ka pilvan' ciangin zu ka ne kik ding hi,” na ci ding hi.

Isaiah 1:5

Bang hangin note hong kisat beh lailai nadingin lehdo teitei na hi uh hiam? Israel aw, na lutang khempeuh liamma dim a, na lungsim leh na ngaihsutna gim mahmah hi.

Paikhiatna 12:30

Tua zanin Faro leh a nasemte khempeuh leh Izipt mite khempeuh tho uh hi; Izipt gam sungah kahna lianpi om hi, bang hang hiam cih leh khat beek a sih lohna inn khat zong om lo hi.

Paikhiatna 14:5

Mite tai khin zo hi, ci-in Izipt kumpipa kiangah a kigen ciangin, Faro leh ama nasemte’ ngaihsutna kikhel a, amaute in, “Eite’ na hong sep nading panin Israel i pai khiatsak, hih banga i gamtat bang himawk ahi hiam?” ci uh hi.

Paikhiatna 15:9

Galte in, ‘ka delh dinga, ka pha ding hi. A nate uh ka hawm ding a, ka deih zahzah-in tuate ka tang ding hi. Ka namsau ka dok ding a, ka khut in amaute susia ding hi,’ ci hi.

Paunak 26:11

Ui in a luak a zuat kik bangin, mihaite a haitat ngei bangin ta kik zel hi.

Jeremiah 13:23

Ethiopia mivomte in a vun uh a khek thei uh hiam? Kamkei in a gial a khek thei hiam? A khek theih uh leh siatna bawl ding a zongsang khin note in zong hoihna na bawl thei ding uh hi.

1 SAMUEL MASA 19:21

Hih thu Saul kiangah a kigen ciangin, amah in midang sawl leuleu a, amaute in zong mailam thu mah genin om uh hi. Tua ciangin Saul in mi a thumveina sawl a, amaute in zong mailam thu genin om veve uh hi.

1 KUMPI MASATE 13:33

Hih thu khit ciangin ama gamtat sia panin Jeroboam kihei tuan lo a, mite khempeuh sung panin mual tunga biaknate a, sem ding siampite bawl kik hi; amah in a ut peuhpeuh mualtunga biakna siampi dingin ap hi.

Paunak 14:24

Pilna in mipilte’ minthan’na lukhu hi a, haina in mihaite’ kizepna bulpi pen ahi hi.