Paunak 27:20 - Tedim Bible

²⁰ Mihingte’ lungsim in mi site’ gam tawh kibang a, tamlua cih hun nei thei lo hi.

Tedim Bible Revision 2017

²⁰ Mihingteʼ lungsim pen misiteʼ gam tawh kibang a, tam lua cih hun nei thei lo hi.

Paunak 27:20 Referans Kwoze

Thuhilh-sia 1:8

Na khempeuh lunggim huai a, kuama gen zawh ding hi lo hi; Mit in a muh cim thei lo a, bil in a zak cim thei lo hi.

1 JOHAN MASA 2:16

Bang hang hiam na cih uh leh, leitungah a om na khempeuh ahi, pumpi deihgawhna, mittang deihgawhna, kisaktheih mawknate in Pa tawh kipawl hi loin, leitung bek tawh kipawl ahi uh hi.

Thuhilh-sia 6:7

Mihingte’ nasepna in a nek tawm ding bek a ngaihsutna hi napi-in, a kham khop ngah zo tuan lo hi.

Habakkuk 2:5

Hauhna in zuaupi hi a, a huaiham mi in kiphasakin omkhong thei lo a, hankhuk mah bangin, pha zo, cih om sak thei lo a, lungkim hun cih nei thei lo hi. Tua ahih manin minam dangte a ban banin simin uk hi.

Thuhilh-sia 4:8

Mi khat in a tapa ahi a, sanggam ahi zongin nei lo napi-in, a tawntungin nasemin a neihsa tawh lungkim hun nei thei lo hi. Kua adingin gimpi-in na sem a, a ut utin ta hoh lo ahi hiam? Hih in zong a mawknapi mah, a dahhuai nuntakna khat ahi hi.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

Paunak 23:5

Na ngahsa, sumte, mitphiat kalin bei mang thei a, muvanlai bangin thakhatin lengmang thei hi.

Paunak 15:11

Topa in sihna gam sunga omte nangawn mu thei ahih leh, mihingte ngaihsutna telmuh zawkan ding hilo ahi hiam?

JOB (Job) 26:6

Pasian’ muhna-ah misite’ gam kilang sinsen a, a muh theih lohna dingin a liah bangmah om lo hi.

Paunak 27:19

Tui sung en leeng eima maitang i muh bangin, i lungsim en leeng eima pian’zia kilang hi.

Haggai 1:9

An hau dingin na kilamet uh hangin tawmcik bek na nei uh hi. Na neihsunte nangawn uh inn na tun’pih uh hangin kong mutkhiatsak mang khin hi. Bang hangin hong tua cih ka hi hiam? Note khempeuh, nomau’ inn ding ciat lamin na manlah uh a, ka biakinn a siapi-in na koihdakna hang uh ahi hi.

Isaiah 5:14

Tua ahih ciangin Leinuai in a duhna khangsakin, bangmah tawh kiteh theih lo zahin a kam ka beba a, Jerusalem’ hoihna leh a mipite, a mihonte leh ama sunga lungdam mite a nawmvalh hi.